Kulang King Yumu

I gave a lecture not in Pampanga but in PALAWAN!

2009-05-31T13:09:00.000-07:00

Last week, I was in Palawan to expand my cultural work to Cuyonons, who, like the Kapampangans and the other non-Tagalogs, and experiencing cultural decline. Aside from directing a Cuyonon rock music video in Puerto Princesa, I also delivered a lecture to Mass Communication students of PSU (Palawan State University). See news item below (taken from http://bulyawmariguen.multiply.com)

LOCAL EYES: CREATING WORKS OF ART WITH LOCAL CULTURAL CONTENT

As a means to entice young media practitioners in creating works of art or production works with local cultural content, Matinlo Productions in cooperation with Bulyaw Mariguen, Kamaru Productions and JCI Kiao conducted a lecture/workshop entitled Local Eyes: creating Works of Art with Local Cultural Content to 31 3rd & 4th year Mass Communication Students of the Palawan State University last May 27, 2009.

The lecture started with an exercise conducted by Jason Laxamana of Kamaru productions assessing how the students use their local environment in creating their own superhero. Jason Laxamana then proceeded to explaining the exercise and then to showing the students some of the works of Kamaru.

In his lecture, Jason laxamana emphasized the benefits of creating production works with local cultural content. His Kapampangan short film entitled Balangingi in Kapampangan or Nosebleed in English which won in the ETC First Philippine Digital Awards for best short film is living proof that using local cultural content in film can give filmmakers a competitive advantage in such competitions. The sense of pride such works bring to the local community was also mentioned.

Due to a scheduled radio guesting at DYPR Palawan Radyom, Jason Laxamana gave way for Bulyaw Mariguen to perform their carrier single, Ploning Adin Ka Ren. Matinlo productions chose to ask Bulyaw Mariguen to perform in this lecture to show the students the possibility of using the local language in Palawan, Cuyonon, in making songs that are appealling to the young generation of Palawenos and viable for mainstream broadcasting. Joey Fabello of Matinlo productions, also known as DJ Jojo of IFM 99.9 by some of the students, briefly explained the Bulyaw Mariguen project after the performance of the band to reiterate the value of using local content in works of art and production works.

Certificates were awarded and snacks were provided by Jci Kiao after the lecture.

Some feedback from the students can be seen below.

Nainspire po kami sa inyong shinare samin and we are hoping also na magkaron ng sariling version ang mga Palaweno to produce music, movies, telenovelas, etc of our own.

Thank you for inspiring me. Makakatulung po talaga ito sa lahat. Keep up the good work...May God Bless You...

Nakakainspire. Namulat ako sa dapat kong kamulatan. -Psydz

Marami po salamat sa mga binahagi niyong kaalaman sa amin, tama nga dapat din nating ipakita sa iba na pwede rin natin ibahagi sa kanila ang culture na mayroon tayo. tnx po. Sana makalat pa ito sa iba.- Rearitz

Very inspiring. It really gives indication that we have to uplift ones local culture through music and film. -Anna Lissa Magtibay

Marami po akong (kaming) natutunan. Now I realized na mahalaga maging maka local tayo para narin stain to. galing po ng speakers at nakakatuwa. - Jeric

Mahalaga po sa amin bilang Palaweno na ipagmalaki sa buong mundo ang katutubong kultura. Sa pamamagitan ng Seminar workshop na ito namulat ang aking isipan na maaari tayong kilalanin. maraming salamat- Anagyn Barrios

Matinlo productions would like to thank Ms. Faith Malacao of the Palawan State University for making this event possible.

Love Life Ning Superhero

2009-03-09T06:00:00.000-07:00

BABAI

E ka malaram
Akakit ku king
Mata mu ing
Tune mung panamdaman
E ra ka pilitang
Luguran mu ku
Sabian mu mu
Ing atyu king pusu

SUPERHERO

Pakiramdaman mu ku

Balu mu namang
Maliswas ya’ing biye ku
Misyun ku ing
Pagsilbian ding tau
Ala kung oras a
Abayan da ka
King pamanalbe sine
O lele dagat

Anya kalinguan na
Ing pamalsinta
Makatalikala
Na ku king kakung gagawan

O’t e pag-isipan
Pamalsinta e man kailangan
Buri me mu ini
Bang ating kaulan balang bengi
Oneng sandalan da ku
Ding dakal a tau
Sandalan da ku
Pakiyintindian mu

BABAI

Paniwalan ku
Ing bukud tamu
Karing al’wang
Lelang na ning Apung Ginu
Agyu ta’ng magrason
Maglinang, manyaup
Ing romansa king tau ya mu kabud
Pamalsinta at lugud

SUPERHERO

Konseptu ning romansa
Gewa re bang
Aparamdam king tau
Ing e ya kumpletu
Nung alang sinta
Ala na waring ligaya
Lawen mu keta
Dakal mangailangan

BABAI

Oneng aminan mung
Kaluguran mu ku
Nung ya pin ta’ing tutu
Panusignan me’ing kaladua mu

Ing pusu, kikyak ne
Pusu ku pakiramdaman me
O magmakalunus ya
Makasadya ne man ping maging
Maging kekang sandalan
Kekang sandalan
Kekang sandalan
Kaluguran

SUPERHERO

Ali ku maniwala king pamalsintang wagas
Imbentu nea mu’ini ning taung atin mu ring kupas
Dapot pilinan meng daptan, agyu me sang talakaran
Iya pin iyan ing lugud a kakung pa’intunan

BABAI

Ali ku maniwala king pamalsintang wagas
‘Di sana ala nang taung mapait mablas
Dapot subukan kung daptan, pilitan kung talakaran
Iya pin ining lugud a keka yayampang

SUPERHERO / BABAI

Pusu at isip ku
Biklat ku at ikit ing sala
Pakatandanan mu
Iya pin ‘ni ing kakung panata
Aku’ing kekang sandalan
Ika ing sandalan
Aku ing sandalan
Kaluguran

Kulit Isip (Mind Codes)

2009-03-06T02:22:00.001-08:00

I remember writing and finishing this Kapampangan science fiction in English way back 2007 for a contest, but unfortunately, it did not win. My laptop crashed last year and the file—the only digital copy I have—was erased. The only hard copy present in this world is the hard copy I submitted to the contest organizers.

I found in my Prodigal Mole Cricket blog the unfinished draft of the first half though. Reading it again—and enjoying it myself—somehow reminded me that I used to be more of a speculative fiction writer since back when I was in high school—back probably when the concept of spec-fic hasn't reached the Philippines yet (at least, in my part of the country).

My recent affection for realism is probably an effect of my heavy consumption of neo-realist films and literature lately. I'm thinking of returning to spec-fic, or perhaps, fusing the two, like what I did with "Kalam," the Kapampangan TV series.

Kulit Isip

After resting for about twenty minutes beside the White Rock, the two began hiking past it to reach their destination.

It was a cloudless night. The sight of the starry sky gave Perry the feeling that all the constellations were watching in intrigue their journey to the crater of the mystic Mount Arayat. Past the trees and thick layers of grass, he kept walking with his flashlight pointed forward while his head was tilted up to the sky, as if hypnotized by the vastness of the firmament and the numerousness of those seemingly tiny specks of light.

“Pare,” Perry calmly called out to his younger but more serious-looking companion, who was carefully watching their way with a more high-powered flashlight, “does it not amuse you that whenever you look at the starry night sky, you are actually seeing the past, since it takes light years before their light reaches our world, and by the time that happens, the stars physically have moved to different locations?”

The amused one combed back his brown hair—the color being a result of his father being a White American. “A deception indeed if you think about it, Quiel,” he elaborated, “and it makes you think: if astrologists base their prophecies from the stars, aren’t their predictions late already by the time they blurt them out to people?”

Quiel expressed no sign of amusement for he already heard that from Perry a number of times. “Before contemplating on things as distant as stars, Mr. Whitman, you might want to ponder closer to home,” he snapped while shooing the insects that flock around his light. “That’s exactly the reason that we are on this mission.”

Perry suddenly remembered all the times he was called a nerd in high school back in California for reading astronomy books manically in between classes, and frowned. “What reason? That humanity has prioritized outer space in its studies?” he asked with a tone of disinterest in Quiel’s mention of the word ‘home’.

Taking out his hanky to wipe off his sweat on the forehead despite the coldness of the place, Perry shifted his focus to the full moon, not too astonished by its misleading brightness against the dark ether for he knew it did not emit its own light.

Quiel for a few seconds also looked up to catch a glimpse of the moon. Suddenly, he remembered his grandfather’s siesta stories back when he was still a child—that bamboo pole duel between Sinukuan, the legendary deity of Mount Arayat, and Namalyari, of Mount Pinatubo of the Zambales mountain range. He would remember Apung[1] Nording reenacting how Sinukuan hit Namalyari’s eye, causing him/her to give off fainter light, thus, Bulan, or the moon. Sinukuan became ruler of the day as Aldo, the sun.

Quiel shattered his reminiscing of his magical childhood upon realization that he was already a lecturer of natural science in the University of the Philippines Pampanga Campus. It’s time he took hold of knowledge on nature, he thought; enough of folk people or institutions simply feeding the knowledge to him.

Perry still could not forget the young lecturer’s advice of sticking to things closer to home. He affirmed proudly, “Home is filled with domestic matters which I, a physics wizard, am not interested in. I understand that you, a third world country citizen, are concerned about that still. But we of the West have mastered science and are taking the responsibility of knowing the environment of Mother Gaea for you guys. We take care of cosmic affairs; you take care of earthy home. That’s division of labor for humanity.”

“And all we have to do is buy your books and study your language,” Quiel whispered in response to Perry’s racist remark. The half-American did not hear him.

“The space beyond, the governing laws, and the nature of matter are plainly much more interesting, much more mysterious,” Perry stated while raising his hands above his head as if wanting to soar to the sky and escape the gravity of domestic Earth.

His sight focused above, the outer space maniac tripped over a mossy log and fell on a shallow puddle of mud that slightly smelled putridly, defiling his aging hands which a few minutes ago where ambitiously reaching for the stars. “Putang bengi[2]!” he shouted—a local malediction he absorbed in his vocabulary from his Filipino mother who tried hard to speak in English in spite of not finishing high school to communicate with her American husband. Struggling to take his hands off the puddle of filth, he was looking around, thinking wildly whom or what to blame for the situation, not welcoming the idea that he was at fault for negligence.

Quiel looked back, not to aid in concern for his hiking companion, but to deliver a quick sermon to him, in spite of Perry being thirteen years older than him. “When I say closer to home,” he stated without smiling, “I mean closer to home. See what happens when you mentally marginalize things as simple—but urgent—as a log lying carelessly along the way?”

Perry was busy washing the dirt off his palms with his penultimate stock of bottled water, but was able to catch Quiel’s words. Dominated by pride, he refused to acknowledge the lecture and proceeded to asking if the crater was still far away.

As they continued trekking to the top, torn pieces of cloud began creeping, blanketing parts of the night sky, and reducing the brightness of the moon, but increasing the radius of its halo. Hike they did for hours with homesickness growing on Perry’s face like the bitterness of apalya[3] sticking to his taste buds, and exhilaration bit by bit wanting to come out of Quiel’s mouth, as apparent in his smile that widened every time they inched closer to the target destination.

After four hours of getting lost, catching their stamina, and finding their way, they saw the alleged stone building in the crater. Some had claimed it was a temple to worship the god or goddess of the ancient Kapampangans[4]. Some had claimed it was a hideout erected by the revolutionaries during the Spanish occupation and by communist groups that found prominence in the community during the Second World War. But to Quiel, there was something greater.

The grave expression which Quiel hours ago sported was replaced by an evil, excited look, as if the full moon had finally drawn his alter ego out. “Behold, Perry Whitman of the West!” he shouted in the summit. “In that rickety building you see lie the key to ultimate science and technology combined!”

Quiel turned to his companion with a bragging look and told him, “And I, Exequiel Galura, a Pampango of the Philippine Republic of South East Asia, have brought you so-called wizard of science here.”

Perry jumped in surprise. He never knew the introvert Quiel could shout like a punk rocker proclaiming protest against senseless pop music.

“What could you—a resident of a country stuck still in a stage of neocolonial mentality—show me in this place that would thwart my pride with the scientific achievements of my father’s homeland?”

The racist remark did not bother the young lecturer that time. Quiel began walking toward the building, the history of which was still being studied by local scholars.

Perry followed, but still went on discussing the imperial power of his country. “Look at you,” he said. “You dress like a Westerner, write using the Roman alphabet system, are in an adopted-from-the-West political system, can speak better in English than in your own—what do you guys call your language again?”

Quiel still was not giving a damn to all of Perry’s belittling statements. The thrill encrypted inside the mysterious building deserved more attention than the prejudicial Filipino-American behind him, he thought.

Perry remembered the magic word suddenly, thanks to his short conversations with Kapampangan linguistic diversity advocates in the Internet. “Oh, right, Amanung Sisuan[5],” he pronounced with an American accent.

“Why, probably even the science shows you’re watching at home—NGC, Discovery, Animal Planet—were baked by the West for you to merely dip your forks in and munch to your tummy’s satisfaction! Thank us for the knowledge we share to you.”

They reached the front of the building. Perry realized that all his words—which he intended to sound too boastful to hurt his companion’s ego—was not being listened to.

“Enough with the mystique,” Perry finally remarked. “What’s with the place? It doesn’t even look like a temple or what.”

“Judge not a book by its cover,” Quiel commented back. “And sometimes, the book being judged is not even the right book.”

Quiel got out a folded map—like a detailed overview of Mount Arayat—and pointed the X-mark to Perry, signifying that that was where they should search. “Put your gloves on and start digging,” Quiel ordered with authority, killing the last bit of respect toward elders expected from him as someone younger.

Not carrying any shovel to ease their way up the summit, they had no choice but to use their hands like primitives in unearthing, to the exasperation of Perry. They dug the earth on the left of the building; Quiel was digging faster than his companion as if battery-energized.

Without Perry noticing, Quiel grabbed his last bottled water and poured all of its content to their hole to soften the soil. Perry wanted to frown upon realizing but was held back by the fact that he no longer could do anything about it.

After ten more minutes, “Oyni[6]! Oyni! Oyni!” the excited one exclaimed, as he pushed Perry back—as if only Quiel should see the thing first—and pulled vehemently up the hole a slightly flat, tin rectangular box.

Perry was beginning to find Quiel strange. If not only for Quiel’s academic reputation, he would think he was already going insane, especially with the psychotic look on his face. The birds which natives call balaue[7] started flying out of the trees toward somewhere else, as the clouds that blur the moonlight have now cleared the sky above the crater.

“So what’s inside that case?” Perry asked. “More documented tales about Jose Rizal and his women?”

“These,” Quiel slithered eerily, “are the Kulit Isip.”

The treasure hunter’s eyes were glued only to the surface of the box. Without looking at Perry, he told him, “But of course, as a Filipino-American who has rejected his maternal ethnicity, I bet you don’t know what that means.”

“Like I said, division of labor,” Perry was quick to answer back. “Now is when you Flip come in the scene to explain what that could possibly mean.”

Quiel began dusting off the box. He started to explicate, “Kulit Isip is a Kapampangan phrase which roughly translates to Scriptures of the Mind. Kulit, if you check Fray Diego Bergano’s 17^th century dictionary, means the indigenous orthography of our ancestors. However, in your dear English language, you can call them the Mind Codes.”

[1] Apu – a title used by Kapampangans to address the names of elders

[2] A malediction in the Philippine Kapampangan language which translates to: “The night is a whore!”

[3] Native name of bitter gourd

[4] The seventh largest ethnic group in the Philippines found in the provinces of Pampanga, Tarlac, Zambales, Bataan, Nueva Ecija, and Bulacan

[5] Literally, language or word from which one suckles

[6] “Here it is!”

[7] Hawk

Call for Entries: Cinekabalen Short Film Competition

2009-02-28T00:41:00.000-08:00

Holy Angel University Center for Kapampangan Studies,
Kalalangan Kamaru, and
Circle of Young Angelenos

present

The 1st Cinekabalen Philippine Film Festival

The short film competition seeks to explore, criticize, promote, empower, and/or describe the Kapampangan experience through independent cinema.

We are looking for short narratives that tell the story and perspective of the Kapampangan people, who, since their pre-Hispanic participation in the affairs of Asia, have been leading diverse lives up to the contemporary times—from the humble rural folks of the riverbanks to the dehumanized drones of highly urban areas, from resilient survivors of the Pinatubo eruption to the aggressive players in national industries, from sun-worshipping dwellers of the mountainside to the strong devotees of Roman Catholicism, from the protesters of social inequality since ancient times to the culturally overloaded youth of the nation, from the migrants forced to live elsewhere for greener pastures to the politically maturing residents making waves in mass media, from the craftsmen who balance business and art to the brown tillers of the plains, etc....

Rules and mechanics of the short film competition:

- The contest is open to everyone, student or professional, Kapampangan or non-Kapampangan, living in the country or abroad, etc. except members of the core organizing committee

- any topic is allowed, as long as it expresses "The Kapampangan Experience"

- entry must be a narrative; no music videos or documentaries

- no limit of number of entries

- because promoting the Kapampangan language is one of the aims of the festival, the dialogues, if any, should predominantly be in Kapampangan. The occasional use of non-Kapampangan languages is allowed as long as used in proper linguistic context.

- setting of the story does not necessarily have to be in Pampanga or other Kapampangan-speaking regions like Tarlac and Bataan

- film must have readable English subtitles

- strictly 10-20 minutes in length; for animated entries, minimum of 5 minutes is allowed

- in digital format (submit final work in playable DVD)

- extreme violence and obscenity and unnecessary abuse of foul language are discouraged, but not prohibited

- use of copyrighted music is not allowed, unless permitted to by the owner of the material

- deadline of entries (final DVD, registration form) will be on July 31; they must be shipped or submitted in person to the Juan D. Nepomuceno Center for Kapampangan Studies, Holy Angel University, Angeles City; the registration form will be downloadable beginning mid-March

- 8 to 12 finalists will be chosen (depending on the quantity of submissions) to compete in the festival; cash prizes and trophies are at stake for the top three best short films, which will be selected by a Board of Judges consisting of experts from the industry; special awards (best male performer, best editing, best screenplay, etc.) will also be given; the competing films will be screened during the actual Cinekabalen Philippine Film Festival in August at the Holy Angel University Theater in Angeles City; an Awards Night will follow

Inquiries: text JASON @ 0918 699 2459 or email sisig_man@yahoo.com.ph

Amateur filmmakers are welcome to consult the organizers regarding their entries

Nora Aunor Fans' Club: Kaplas

2009-01-05T16:21:00.000-08:00

It Hurts. Words and music by Nora Aunor Fans' Club. The song is their contribution to the RocKapampangan album.

Directors: Diego Marx Dobles, Jason Paul Laxamana
Editors: Diego Marx Dobles, Jason Paul Laxamana
Location Managers / Production Designers: Nora Aunor Fans' Club

Bayu lungub king iskuela
Katawan unisan mu na
Lawen me ing kekang lupa
Pota lawen ne ning imestra
Bitis, gamat, keka yang linisan
Sabunan mu la't pulisan
Ding kuku ila' naman
Arung, balugbug, ampong gamat
Ding imalan mung susulud
E baling sulsi la at galut
Malinis la' sang alang lukut
Masanting neng paglub

Kaplas, kaplas
Lalu na potang mebarug ka
Ane ping kaplas
Kaplas
Lalu na potang tinunga ya
Ayan na ing korus na (2x)
Oh, oh, kaluguran da ka (3x)

Ing anak a mapanuksu
Kasaman ne ning Apung Ginu
Uling tutu yang alburutu
E ne dinan putu
Ing bola ku mabilug ya
Durulang ya ketang tabla
Atya ke man mibalik ya
Tiran ne ing kakung mestra

Kaplas, kaplas
Lalu na potang mebarug ka
Ane ping kaplas
Kaplas
Lalu na potang tinunga ya
Ayan na ing korus na (2x)
Oh, oh, kaluguran da ka (3x)

Balangingi

2008-12-29T16:26:00.000-08:00

Nosebleed. Xoo seems to be a standard teenager who lives boringly like everyone else, but unknown to people in his surroundings is what happens in his head—philosophizing about things average people would deem mundane, down to the minutest detail. One day, he is forced to attend a blind date. To avoid turning off his date, he struggles to suppress his intellectual side. This short film gives a peek to that minority in Philippine society who are unlikely to survive socially by being themselves—the Filipino intellectuals. Or as laymen would call them: Nerds! As parents call them: Pilosopo!

Writer-Director: Jason Paul Laxamana
Asst. Director: Diego Marx Dobles
Production Assistant: Arn Lagazo, Bevs Esguerra
Music: Diego Marx Dobles
Editor: Jason Paul Laxamana
Actors: Jayvie Dizon, Frency Rodriguez, Raco Del Rosario, Crystal Herrera, Menchi Dobles

Sexmoan Adventures

2008-12-08T16:37:00.000-08:00

Sexmoan Adventures. A town in the Philippine province of Pampanga has for long been known as Sexmoan. One day, the municipal government decided to dump its scandalous spelling and replaced it with how residents traditionally call their homeland: Sasmuan.

Starring Diego Marx Dobles, Arn Lagazo
Directed, Edited by Jason Paul Laxamana

Ing Bangkeru

2008-12-05T16:41:00.000-08:00

The Boatman. This is a 10-minute screen adaptation of the anonymous Philippine Kapampangan ballad Ing Bangkeru (The Boatman). Shot in the Pampanga River, it tells an anecdote about an arrogant student from Manila intellectually challenging a young, lowly boatman about the philosophies the student had learned in his Spanish school.

Produced by Kalalangan Kamaru
In cooperation with Holy Angel University

Writer/Director: Jason Paul Laxamana
Asst. Dir./Prod Design/Music: Diego Marx Dobles
Editing: Laxamana, Dobles
Cinematography: Leo Calma, Jr.
Starring: Jim Salvador, Alex Tiotuico, Bajun Lacap, Mika Dobles, Maikka Rustia

Air Pollution

2008-10-14T16:46:00.000-07:00

Air Pollution. A camera man takes a picture of a group of boys and wonders why they are not smiling.

Director: Arn Lagazo
Wrietr-Cinematographer: Jason Paul Laxamana
Editor/Prod Design: Diego Dobles, Arn Lagazo
Talents: Jeremy Cortez, Aries Yap, Diego Dobles, Arn Lagazo, Jayvie Dizon

Mernuts: Aliwa Kang Talaga

2008-09-14T16:07:00.000-07:00

You're Really One of a Kind. Words and music by Mernuts. This song was their contribution to the RocKapampangan album.

Director: Jason Paul Laxamana
Asst. Director: Diego Marx Dobles
Production Design: Jason Paul Laxamana, Diego Marx Dobles
Set men: Arn Lagazo, Aries Yap
Editors: Jason Paul Laxamana, Diego Marx Dobles
Choreography: Raco Del Rosario

Pamagrebeldi

2008-04-13T04:46:00.000-07:00

Rebellion. A poem recognizing the importance of rebellion in historical progress.

Pamagrebeldi, nung dian keng kabaldugan
Ing mumuna kung ibiye, pamakilaban
E pamamintu king nung nanu’ing darasan
Ambuski mabinyagang makasalanan

Rebellion, if I'd be asked to define it / I'd say firsthand it's declaring battle / Disobeying what we were born into / in spite of being christened as sinners

Ing tau nung lalon tutu yang rebeldi
King kabilian na e kuntentung palagi
Anggang mate ya e ya magisan buri
Kunan na king pangimut o king pangadi

Man is a natural rebel / He is never contented / never-ending desires up until death / which he satisfies through efforts and prayers

Dati darapat basi king sálang atiu
Panyatang ning bengi, ala na, matudtud
Dapot inyang ayimbentu ne ing sulu
Lumbug ya man ing aldo, manakit, agyu

Available light used to dictate man's work / for when night crept in, it was slumber time / but when artificial light was invented / he could see even after sundown

Dati alipan ya ning temperatura
Nung malisangan man batan na ing dusa
Ngeni makágawa neng sariling dimla
Bista man kilub na mu ning silid na

He used to be slave of temperature / heat waves he can only endure / but today he can create his own cool / even though just cramped in his room

Dati makakulung mu king panimanman
Na ning tau ing kayang ababatiawan
Ngeni microscope para king protozoan
At telescope para king meto sikluban

He used to only see things / his eyesight is capable to reach / but today there's the microscope for the protozoan / and the telescope for the heavens

Dati ing utus na ning pekapun dili
Iya mu ing pamintuan, ala nang sasabi
Oneng ‘nyang ding makariking míkapáli
Uli ring rebeldi, sistema, mewaksi

Then, the order of the most high / was to be obeyed without objection / but when the underdogs had enough / the system was destroyed by the rebels

Nanu wari’ng sangkap ning pamagrebeldi
Bakit parati ta’yang daraptan ini
Kasi pin ing tau patye ‘tin yang buri
Suátan ne ing kasalungsungan a bili

What anyway is the element of rebellion / Why do we always do it / It's because when man wants something / he'll criticize the prevailing conditions

Nung alang rebeldi isipan mu na mu
Makananu ya mong sumulung ing yatu
Nung kapanatilian mung lagi ing atiu
Mistula ta’ng yelu, alang pamagbayu

Think about his: without rebels / how will the world run forth / for if only preservation existed / then we're frozen and unchanging

Ding mámagrebeldi ila pin ding atiu
King makapalalam a puestu king yatu
Nung nu karin matbud ya ing pangatau
Makasalale king upaya ning datu

Those who rebel are those / who are in the lower ranks of the world / where one's humanity is shaky / and dependent to the datu's authority

Ding sasalangsang karing mámagrebeldi
Ila pin ding sablang manyaman na bili
Anti mo ing amanung sadyang mepiling
Maging pambansang salita na ning RP

Those who oppose the rebels / are those enjoying the present system / like that language that was chosen / to be the national language of RP

Kalupa da pa ring pekapupugayan
King sikat a istilu ning pamaglalang
Nung e mak'wangis king karelang gagawan
E malyaring e da ka pamasibasan

And let's not forget the very cited / and well-known styles of art / which if you try to deviate from / you are sentenced to stoning

Sara-sarili tamu kapaniwalan
Ing mayap keka, karela kamulangan
Ing atin mu keti maina at masikan
Samsáman tamu mu angga king kayarian

We all have beliefs / What's moral for you is insanity for them / There's only the weak and the strong / fighting for space endlessly

Ing tinggasing kailangan nang alampasan
Ning metung a taung ating lalabanan
Ila pin ding pamansag da ring keraklan
Terorista, salbahi, pulus karokan

The obstacles that must be overcome / by rebels / are the demonizing labels / terrorist and savage, utmost evil

Nung king laban da, king tauli mangamúti
Karing libru, ila, mangasalibabi
Dapot nung magtagumpe la ring rebeldi
Kanita, kriminal la, ngeni, bayani

If they eventually fail in the battle / they will be filthy in books / but if they emerge triumphant / then they were criminals, now they're heroes

Mensahi ibat kang Koïchiro Matsuura...

2008-04-11T17:11:00.000-07:00

Message from Mr Koïchiro Matsuura, Director-General of UNESCO, on the celebration of 2008, International Year of Languages. Dr. Joey of SOLFED Philippines asked me to translate the English version into Kapampangan. I did my best! The intellectual level of Kapampangan was tested in this translation job. Just goes to show that Kapampangan is not yet ready to enter the world of social science. We'll get there eventually.

Mensahi ibat kang Koïchiro Matsuura, Director-General ning UNESCO, king pamagmasusi king 2008, Pang-Meto Yatung Banua Da Ring Amanu

Tegurian ne ning United Nations General Assembly bilang Pang-Meto Yatung Banua Da Ring Amanu ing banuang 2008. Masigasig neng pánigobran ning UNESCO ing gampa na bilang mámuntukan a aptas a mirian tokang samasan la ring aktibidadis para king banua. Tune nang balu ning Aptas ing ulaga da ring amanu pelalu na patye pákikorkula no ring dakal a tinggasing malyaring arapan ning meto ketawan karing paratang a dekada.

Tutu lang kailangan ding amanu king identidad da ring balen ampong tau at bang kumabiye lang abe-abe masalese. Maragul la ambag king panyulung pataglus king kasaplalan at pamiyugne da ring bagebageng pang-meto yatu at pambalen.

Palak lang maulaga king pamanabut karing anam a tagimpan ning education for all (EFA) at ding Millennium Development Goals (MDGs) a píkasundu da ring king United Nations inyang 2000. Bilang mákáyambag king pamiyabeyabe da ring memalen, dakal la asasaup ding amanu king pamagwaksi king kakaluluan at karanupan (MDG 1); bilang suporta karing tenakan king pamamásâ, pamanyulat, pamanigaral, at kabiyayan, maulaga la ring amanu king kaganapan ning universal primary education (MDG 2); dápat ing laban king HIV/AIDS, malaria, at aliwa pang salun (MDG 6) masiwala ya king amanu da ring memalen nung ila ring pilit pákiabutan; at ing pamanyiguradu king kaligtasan ning tibuan a kabiasnan at tenakan, kambe ning kaburian da ring taung masalese ya bili ing karelang kapaligiran (MDG 7), atin ya mu namang ugne karing amanung sisuan.

Ing makuleng pamiyayaliwa da ring kultura makayugne ya mu naman king makuleng pamiyayaliwa da ring amanu, ngara pin ketang UNESCO Universal Declaration on Cultural Diversity at king binalak nang pangimut (2001), itang Convention for the Safeguarding of the Intangible Cultural Heritage and the Convention on the Protection and Promotion of the Diversity of Cultural Expressions (2005).

Ita mu pin, mánganib lang mabura ring mayigit kapitna karing pitung libung amanung magagamit keti yatu kilub ning mapilan a henerasyun. Manga sikapat mu karing salitang deta ring magagamit king iskuela at king Internet, at keraklan magagamit la mu pamisanmisan. Bista man masalese do pang agagamit ding memalen karing karelang pibalebale, libulibu lang amanu ring e mákátuklu karing iskuela, karing media, karing libru, magasin, at dyaryu, at karing sular a pampubliku.

Maulaga ing kímut ta’nang tambing. Makananu? King kapamilatan ning pamangawang batas pang-amanung mamiye upaya karing balang komunidad a gamitan ing karelang amanung sisuan angga’t malyari king nanu mang sular ning sosyedad, pati na ring iskuela, kabang pákiabutan ing kagalasgasan king metung a amanung pambansa o panlalawigan at king metung a banyagang amanu. King kapamilatan na mu rin ning pamanusig karing gagamit amanung makasiduan a magpakabiasa la pa karing aliwang pambansa o panlalawigan a salita at metung o adua pang banyagang amanu. Akit da ring keganaganang amanu ing lugal da king kekatamung yatu nung matanggap ya mung ganap ing multilingualismu.

Inya naman ágkatan no ning UNESCO ring kapanibalan, ding aptas a makapalalam king United Nations, ding lualung aptas karing balen, ding iskuela, ding aptas da ring propesyunal, at ding aliwa pang makarame, na magpasimula lang sarili rang aktibidadis a maglayung itanam karing pusu da ring sabla ing respetu, pakamal, at pamaglualu karing keganaganang salita, pelalu na retang bagya-bagya nang mamamate.

Agyang pang kapamilatan de ring miyayaliwang dapát king labuad ning pamanigaral, ning Internet, o ring matenakan; kapamilatan de man ding proyektung mánagimpang protektan ding mamamatdang amanu, proyektung mágnasang ipabalu karing memalen ing kagiwan da ring amanu king pamagpasibul pamisasanmetung karing memalen; o proyektung máglayung ipakit karing tau ing kaugnayan ning amanu at ekonomya, ning amanu at katutubung kabiasnan, o ning amanu at kalalangan—ing importanti malansangan ya king balang suluk ning yatu ing kasebian a “maulaga la ring amanu!”

Maging yang makabaldugan ing aldong ka-21 ning Pebreru 2008, ing aldo ning kasiam a Pang-Meto Yatung Aldo Da Ring Amanung Sisuan. Aparti pa kanita, iya pin ing mamiye bageng tauling aldo para king pamagpakilala karing proyektung mágnasang magpalaganap karing amanu.

Ing para tamung págnasan iya pin ing siguraduang mapansin ya king pambansa, panlalawigan, at pang-sumangid laut a balitang ing kaulagan ning pamakiatin dakal a amanu at multilingualismu karing iskuela, kapanibalan, sistemang ligal, karing pangkulturang pamamasyag at media, king Internet at king pamangalakal.

Magdaun yang bukud a oportunidad ing Pang-Meto Yatung Banua Da Ring Amanu 2008 king pamanabut tamu karing mesambitlang kapagnasan.

Koïchiro Matsuura

Pakibat Kang Aristotle

2008-04-10T18:48:00.000-07:00

Answer To Aristotle. A poem expressing my view regarding Aristotle's claim of art as imitation of reality. For me, an artist is one who puts under his authority the fate of a piece of reality. He can either copy or distort it.

Sabi nang Aristotle ing kalalangan kanu
Pamakiapus ya king nung nanu ing tutu
Nung itang pintor agulis na kang saktu
Magaling yang máglalang, tuneng talentu

Art according to Aristotle / is imitation of reality / if a painter can draw you perfectly / then he's excellent and talented

Ing talasulat makan'ta ya mu naman
Lilikas king tinta't papil ing katutuan
Ing mánarti, kaya namang pákiapusan
Pangimut da ring tau't kapanamdaman

It's the same for the writer / who channels truth through ink and paper / What the actor imitates on the other hand / are the actions and feelings of people

King panlawe ku naman adua ya klasi
Ing kalalangan o ing yausan dang arti
Kopyan mu ing realidad, wa, malyari
O kaya naman, sangkan meng siran ini

For me though there are two types / of kalalangan, of what they call art / You can either copy the real / or intentionally break it

Suluan me ing lugal na ning pelikula
Bang mas masanting yang lunto king camera
Mebayu ya'ing sulu, e ne natural 'ta
Kutnan ke i Aristotle ngana paya

Light the movie location / for it to register well on camera / which makes it already unnatural / What does Aristotle think of that?

Gáwa kung nobela, ing pekabida ku
Sobra kabiasa, masikan ya pang tau
Malasak ya nung tumbukan ne ing batu
Ala namang makanita king biyeng tutu

In a novel I'll make, the hero will be / extremely bright and strong / he can shatter boulders with his jabs / which you will never see in real life

Dapot nung aku ing kutnan sanu'ing kaku
Karening aduang klasing sinambitla ku
Ilig ku ing pamakiwangis king tutu
Oneng salesen ku pa't gawang malagu

But if I'd be asked / what type of art I do / It's basing things on the real / but I add some embellishments

Uling ding keraklan e da papansinan
Ing mapinu at purung-purung katutuan
Sangkan da, "Aldo'ldo akakit ku na iyan
O ba't para ken ing oras ku sayangan?"

For many ignore / the very pure truth / They reason, "Everyday I already see that / why waste more time with it?"

Inya naman ing ilig kung gagawan ku
Daklutan ing katutua't saka ibalut
King ulas a paniglawan da ring tau
Bang kan'ta mo isipan dang ating bayu

So what I love doing / is snatching reality and wrapping it / with a blanket that will astound people / for them to think there's something new

Pantasya ya mong bala ra ing melalang
Bagya da' balung ing sangkap na katutuan
Pangabagya mu karelang ayisipan
"King tuneng biye malilyari talaga iyan"

They may think it's fantasy / but little do they know, truth is the ingredient / Later on they'd realize / "It happens in real life"

Kang Aristotle, ini ing pakibat ku
King "imitation of reality" kanu
Bilang máglalang ing kalma na ning tutu
Tuneng makapalalam king upaya mu

This is my answer to Aristotle / to his "imitation of reality" claim / As an artist, the fate of reality / is nothing but a slave to your power

Status / Manong

2008-04-09T21:32:00.000-07:00

Status

YUBS: Can I now put "In a Relationship" in my Friendster status?

CLACLA: "It's complicated" is enough for now.

Manong (Awkward)

CLACLA: Which do you prefer: I pretend laughing when your jokes are awkward, or I just ignore you?

YUBS: Just ignore me. You look cuter doing that.

Bangnas / Ngeni

2008-04-07T16:25:00.001-07:00

Bangnas (Bad Odor)

YUBS: Haven't you ever had lust toward me even just for once?

CLACLA: You wear your jacket even if it's sunny. You now must smell bad underneath!

Ngeni (Now)

YUBS: Why is it just now that we thought of trying this?

Maligaya / Matas Lawe / Aliwa / Silbi / Adalpakan

2008-04-03T04:47:00.001-07:00

Maligaya (Joyful)

YUBS: I can die happy if you'll just give me a kiss.

CLACLA: I'll kiss you then I'll be the one who will kill you.

Matas Lawe (Regard Highly)

YUBS: At least when I'm with you my self-esteem increases.

KARAG: Ribit.

Aliwa (Another)

CLACLA: I saw you during the RocKapampangan album launch hanging out with another girl.

YUBS: What? That wasn't you?

Silbi (Function)

YUBS: Up to now you're still scared of bullfrogs?

CLACLA: Don't you like it that you become functional only when there are bullfrogs?

KARAG: Ribit!

Adalpakan (Stepped On Accidentally)

YUBS: I accidentally stepped on your sh*t a while ago on the street. Was suddenly reminded about my and Clacla's monthsary.

DAMULAG: Ngaaaa.

Alang Bayu / Paninap

2008-04-02T16:45:00.000-07:00

Alang Bayu (Nothing New)

CLACLA: Is this how life is? A big routine. Boring. Nothing new.

YUBS: Wanna get married?

Paninap (Dream)

YUBS: I had a dream last night. We were sweetly loving each other and merrily wiping each other's mucus off our noses.

CLACLA: Blood will drip from your nose if you don't shut up.

Sagu / Timan

2008-04-01T19:55:00.000-07:00

Sagu (Horn)

CLACLA: Are you not offended when people describe bad people as horned people?

DAMULAG: Ngaaaa.

Timan (Smile)

YUBS: You should try smiling sometimes, Clacla!

CLACLA: Why, is it Christmas already?

Ing Maskuladung Katmu King Tattoo

2008-03-30T16:06:00.000-07:00

The Tattoo-Laden Muscle Man. Poem about surviving in an oppressive place and knowing the right strategy in ending oppression.

Ketang kulungan a keni e marayu
Iya ing giginuan da itang maskuladu
King balat na mánukluan la ring tattoo
Ating dragon, agila, ampong demonyu

In a prison not far from here / he's the god, the muscle man / with tattoos squatting all over his skin / there's a dragon, an eagle, and a demon

Balang sabian ning ginu iya'ng pámintuan da
Ring mangalating mengasukul king selda
Istung trip na' kabud pamugbugan na la
Mipalili kang lawe kaya, mate ka

God's orders were strictly obeyed / by the little people imprisoned there / If he felt like beating up, he did / Try glaring at him and you're dead

E ra ne man maibug 'sumbung karing pulis
'Tang minunang sinumbung mesaksak lapis
'Tang metung pa, king pataram, 'Nu ku, daplis
Ding karelang pangadi kabud lalaris

They can't tell the police about it / as the first who did was stabbed with a pencil / Heavens, another, almost killed with a dagger / Proof their prayers are just rotting

Ing biasa iya pin na i Lucas Salangsang
Malati mu dapot masiri't matapang
Ketang maskuladu dinian pakinabang
Ing sarili; gulut na pekámasayan

Lucas Salangsang was the clever lad / he was small but smart and brave / He made himself useful to the muscle man / he massaged well his back

Inya i Lucas ali na ne pángayan
Ambuski pa nu karin, iya, mákádalan
Basta bengi-bengi masahing manyaman
E salanan timiran pati bumbunan

Making Lucas not prone to his bullying / permitted to pass anywhere / as long as there was massage each night / not missing even his cowlick

Kabang ala pang pag-asa ibat kilual
Kabang mangabuangis la pa ring animal
Kumabiye ya i Lucas king correctional
Uling kinampi ya king pekamasikan

While hope is still unseen from outside / while the animals are still all wild / Lucas will survive in the correctional / for he rubbed elbows with the fittest

Patye 'la pang pamagbayu ing meganap
Iyadya't 'salikut na ne ing panatdak
Potang mamasayan na ne ing marawak
Pangabagya mu 'tin nang dayang papatak

But if no change happens / he will prepare and hide the dagger / and minutes after massaging evil incarnate / blood will drip

Ing maskuladung katmu king tattoo, bagsak!

The tattoo-laden muscle man, down!

Kapatawaran

2008-03-21T14:34:00.000-07:00

Kapatawaran (Forgiveness)

YUBS: Just don't mind my crying. I've forgiven you since a while ago.

CLACLA: What did I do this time?!

Studio Pic

2008-03-20T16:29:00.000-07:00

Studio Pic

YUBS: Let's have ourselves photographed in a studio tomorrow, so I can put it in my wallet.

CLACLA: I don't think I'm already prepared to embark on such venture, Yubs.

Baták La Ring Poesya Nang Eli

2008-03-18T22:54:00.000-07:00

Eli's Poems Rock. No matter how renowned a poet is, he and his works will never be appreciated by those who cannot read. Don't expect to be honored by people who cannot grasp your field.

O’t keganaganang akarungut kung máglalang
“Baták la ring poesya nang Eli!” sabi ra ngan
Bang alang gulu ali na ku mu sasalangsang
Pota pa sa, aku, karelang panampalingan

Why do the artists I often encounter / unanimously say "Eli's poems rock!" / To evade conflict I just remain passive / for I could be slapped several times if I objected

‘Nyang misan dinalan ya king baryu mi i Eli
Miyayaliwang máglalang tambing pinulayi
Papunta king tayimik at malukang balen mi
Ikeng e matas pegaralan: “Nanu mo ini?”

Eli passed by our barrio once / making different artists rush / to our tranquil and poor town / We who have not been educated: "So what's all this?"

Oneng ing pulosador a Gus Camaya, atiu
King e malaut, pupulosa ya’t babasultu
Abe ing gitarista nang sikat a i Moo Moo
Keta no man migsipulandit ding maldang tau

But polosa singer Gus Camaya was also around / performing polosa and basulto over there / accompanied by his famous guitarist Moo Moo / and the masses ran to watch them

Merine ring máglalang king dintang a poeta
Kagaling na pâ, ding tau nu la memamunta
“Pablasang ala lang pegaralan ding dibpan-na
Inya burian da pa ing pulosang alang kuenta

So the artists felt bad for the poet who arrived / He's a great poet, but where did the people go / "They're uneducated fools / that's why they prefer the trash that is polosa

Ali ra balu nung sanu ing tutung masampat
Laman ning pulosa mányampukaki king dinat
Putanaydanang mása mituran sanang kildap”
Ing amanu da ring sasamba kang Eli Lacap

They can't tell which has quality / polosa is a bunch of filth / Motherfucking masses, may lightning strike them" / Word of the worshippers of Eli Lacap

Itang metung a pintor linapit ya kanaku
Lukut-kile na kung pek’sabian, kitang na kaku
“Marakal nong ligligan, pati sumangid laut
Pekiabayan nang Eli at iya ing sinambut

One painter approached me / with crumpled brows he asked me / "Many local and international contests / have been won by Eli in the past

O’t kinyanan ye mu, e ye man dugu seganan
Pigdiwatan ye pa ing mámulosang bayaran”
Pekibat ku kaya, “Ala kaming pegaralan
'Nya rugu e ke biasang mamásang kawatasan”

Why did you guys ignore him, no warm welcome / and you chose to adore this sellout polosa singer" / I told him, "We're not educated / that's why we can't read poetry."

Amanu

2008-03-18T22:17:00.001-07:00

Amanu (Language)

CLACLA: How do you say 'I hate you' in the Bullfrog Language?

KARAG: Riiiibiiiiit!

Alang Anggang Sugat

2008-03-16T18:38:00.000-07:00

Perpetual Wound. A song about taking advantage of innocence and the distrust that follows afterwards, leaving a wound that shall never heal.

INTRO

Ing likuan mu kaku
Ing likuan mu kaku
Sugat yang e kinayap
Sugat yang e kakayap
Sugat yang e kumayap
Kapilan man

I

Oy anak
Oyan na ing patianak
Talan ka king awakan ku
Susulu
Ya mata ing kularyut
E ka lalaut kaku

Deta ring
Amanu mu kaku
Pen'walan ku ngang tutu
Mamulang
Ika pala'ing asuang
Magtapang-tapangan mu

PRE-CHORUS

Kaibat mu kung tiki king madalumdum a suluk ning mula
Metilus ka pangil, kinutkut la kaku ring taliri mu

CHORUS

Ing likuan mu kaku
E ne agyu ning nan'mang
Inumang panulu
Ita ing likuan mu kaku
Ing likuan mu kaku
Ing likuan mu kaku

Sugat yang e kinayap
Sugat yang e kakayap
Sugat yang e kumayap
Kapilan man

II

Ikit me
Oyan na ing duende
Dala na ka al'wang yatu
Sisindi
Ya pa itang kapri
Mangadi ka king siping ku

Deta ring
Amanu mu kaku
Pen'walan ku ngang tutu
Mamulang
Metung kang tigbalang
Laklakan mu ku rugu

PRE-CHORUS

Kaibat mu kung tiki king madalumdum a suluk ning mula
Tinubu ka pakpak, mepaspas kung masikan king iki mu

CHORUS

Ing likuan mu kaku
E ne agyu ning nan'mang
Inumang panulu
Ita ing likuan mu kaku
Ing likuan mu kaku
Ing likuan mu kaku

Sugat yang e kinayap
Sugat yang e kakayap
Sugat yang e kumayap
Kapilan man

BRIDGE

Oy anak
Oyan na ing patianak
Talan ka king awakan ku
Susulu
Ya mata ing kularyut
E ka lalaut kaku

Deta ring
Amanu mu kaku
Pen'walan ku ngang tutu
Mamulang
Ika pala'ing asuang
At liklak mu ku rugu

CHORUS

Ing likuan mu kaku
E ne agyu ning nan'mang
Inumang panulu
Ita ing likuan mu kaku
Ing likuan mu kaku
Ing likuan mu kaku

Sugat yang e kinayap
Sugat yang e kakayap
Sugat yang e kumayap
Kapilan man

Pilatan

2008-03-15T11:52:00.000-07:00

Pilatan (Gap)

YUBS: We're just one carabao away from each other yet I'm already missing you.

DAMULAG: Ngaaaa.

CLACLA: Your fault, you took him with us.

Patianak

2008-03-11T16:18:00.000-07:00

Patianak (a baby vampire). Poem about the creation of myths to promote an ideology.

Alas sais pa mung sisilim linub ne bale
I Boy Taloti agya’pang mamialung la pa
Tag-tagan, sálikutan, patinteru’t touching ball
Kayabe ra ding kaluguran king Villa Gloria

It's just 6 PM but he already went inside / Fraidy-cat Boy, even though he was still playing / tag, hide-and-seek, patintero and "touching ball" / with his friends from Villa Gloria

E ne buring dasan alas syeti ing tanaman
King mula rang wawangis kakewan king kasukal
Ketang pun ning kaymitu a matas pa king bubung
Patianak kanung mabuangis ing keta mánagal

He didn't want to encounter the tree at 7 PM / there in the garden that's messy as a jungle / for from the branches of the tall star apple tree / a vicious patianak is keen on chasing

Kanita kasi ‘nyang minuli yang alas otsu
Nganang indu na kabang papakit ing sugat na
“Tung, patye alas syeti atin palang patianak
Malutu ya mata’t saka magdatun king mula

Once upon a time he went home at 8 PM / his mother told him while showing her wound / "Son, a patianak appears around 7 PM / with red eyes, staying in the garden

King taram da ring kayang ipan kayatan na ka
Sipsipan na ka daya anggang ika mibulang
Kayi ‘dala na ka king yatu ring laman labuad
Laklakan da kang mabiye ring mangasurang asuang”

He'll bite you with his sharp teeth / suck your blood until you pass out / then he'll bring you to the elemental world / where ugly monsters will devour you

Ibat inyang inamanu ning indu na ita
Meranun neng mumuli ing mataloting anak
At king makabang panaun mebiye ya king takut
King mula rang masukal, tuknangan ning patianak

Ever since his mother told him that / he began coming home early / and for a long time he lived in fear / of the messy jungle, the habitat of the patianak

Isip VS Pusu

2008-03-11T14:03:00.000-07:00

Isip VS Pusu (Mind VS Heart)

CLACLA: Move away a bit. Weather's hot.

YUBS: My mind says yes but my heart's cry is "Neknek mu, Clacla." (a colloquial expression along the line of "over my dead body")

Mata

2008-03-08T15:55:00.001-08:00

Mata (Eye)

YUBS: Your eyes are so beautiful, Clacla!

CLACLA: You haven't even seen the other one.

Anitang Malagnat

2008-03-06T19:48:00.000-08:00

Fever-Struck Anita. When a person gets a cold from another person and the sickness gradually worsens due to the person's neglect and his constant blaming of the source of virus, who is to blame? The one who infected, or the one who didn't do anything about his own sickness?

I Anita Sibal iya'ng pakilala ku kekayu
Mapandilu't malinis, tutung maingat a tau
Exercise kagising, balanced diet ngan pati ugtu
Mipawasan bagya gulut, manalili neng baru

Let me introduce to you Anita Sibal / bathing often and a really hygienic person / exercising every morning, following a balanced diet / changing shirt after perspiring a bit

Binisita ya misan itang Atsi nang Anita
Baradu ya pu busbus arung, kuku-kuku ya pa
E na apansin Anita, ati ne king arap na
"A-ching!" ngana ning Atsi, asingap ning dalagita

Anita's elder sister visited once / she had clogged nose and coughed often / Without Anita noticing, she was already in front of her / "Ha-choo!" the elder sister went, and the younger one inhaled it all

Bukas, oyta na, mebayat ya katawan ing wali
Bungad nea' naman bosis at ing balat na mapali
Tambing linub king isip na, meyawa ya kang Atsi
O't kasi e ne ikit lalapit napun ing alti

The day after, the younger sister was feeling weak / her voice was distorted and her skin was hot / She concluded at once she got it from Atsi (elder sister) / Why did she not see the bitch approaching yesterday

Penyumpa ne pu ing Atsi na king ikua nang salun
Kasalanan na kanu o't pati iya míkasipun
Atiti mu ne ing ebun king mapali nang tundun
Panulung lagnat, I Anita matamad yang mantun

For that she cursed her Atsi more than once / she said she's the reason she got a runny nose / One can fry eggs on her hot nape already / Anita was too lazy to look for some medicine

Kalabas ning atlung aldo, ay, ginrabi ing sakit
Nang Anitang e magigisan sipun a pupusit
Ing Atsi na pánagkasan ne pa mu ring pasitsit
"Ba't kasi binisita ya pa ing tontang malarit!"

Three days after, she became worse / her nose won't stop producing mucus / she still cursed Atsi even just in whisper / "Why did the stupid prick have to visit?"

Ing kutang ku tungkul king salun nang Anita Sibal
Ninu pu ing kekatamung dapat pamarsalanan
Ing menawa kayang babaing ibat keta kilual
O ing másakit a, ing sarili, matamad uluan

My question now regarding the sickness of Anita Sibal / who, ladies and gentlemen, must we blame / the lady from outside who passed to her the disease / or the sick person who was too lazy to heal herself

Tungkul Kaku / Regalu / E Pamikasundu

2008-03-05T18:02:00.000-08:00

Tungkul Kaku (About Me)

YUBS: When Clacla takes you for a ride, does she mention anything about me?

DAMULAG: Ngaaaa?

Regalu (Gift)

CLACLA: On my birthday, I wish some person would bring me to Masantol and ride a boat with me there.

YUBS: Um, I, on the other hand, want to get a cool mouse pad for a gift.

E Pamikasundu (Disagreement)

YUBS: I noticed that you two seem to have grudges toward each other. Hence, I set this day for you guys to resolve whatever it is that you have disagreement with.

Pamikaluguran

2008-03-04T22:24:00.001-08:00

Pamikaluguran (Friendship)

DAMULAG: Ngaa ngaa ngaaaa ngaa ngaa ngaaaa.

KARAG: Ribit, ribit? ... Ribiiiit!

Kalungkutan

2008-03-04T22:20:00.000-08:00

Kalungkutan (Sadness)

CLACLA: Yubs, please kill the sadness within my heart.

YUBS: How? I am unhappy as well. Let's just mourn together.

Ing Upaya Ning Talasulat

2008-03-04T05:42:00.000-08:00

The Power of a Writer. A poem about why the ability to write and engage in contributing to literature are a great blessing.

Nung lalawen tamu king panimanman ning Apung Ginu
Ing upaya na ning nanu man makasalaleng tutu
King kagiwan nang taginan ing kaya makapalibut
At gawan na pang kapaki-pakinabang keti yatu
Anti mo ring keraklan karing balu tamung tanaman
Dirian dang silbi ing gabun, aslag ning aldo, at danum
Pati pangisnawang tau, nung kekatamu kamandag
Ila sisingapan dang malalam, karela e lasun

If we internalize God's point of view / the power of anything truly depends / on its ability to alternate its environment / and make it useful for the world / like most of the plants we know / that give use to the earth, sunlight, and water / What man exhales, if to us is poisonous / they breathe it thoroughly, to them it's not toxic

King Gerona na mu pin ketang lalawigan ning Tarlac
Ating pipanganan karin, Isdaan ing kayang lagyu
Pánakitan da ing mua ring tau, karela mamayad
Para mamasibas platu kabang mánagkas taksiapu
Sukat mung ring kabalenan pati aliwalas diren
Dang pakinabang; espasyu mu ing karelang puhunan
Kukua lang abli karing bisang manyabit patalastas
‘Nya ring negosyanti pati espasyu pisasamsaman

In Gerona in the province of Tarlac / there's an eatery there called Isdaan / which earns off the anger of people who pay / just for breaking plates while cursing "taksiapu" / Wonder that even cities make use of space / which is their major capital / they earn from people who wish to advertise / Explains why businessmen fight over space

Dapot pangaratang naman karing tau keti sulip
Nung atin ku man yausan bukud iya pin ing talasulat
Pauli ning kayang upayang masakit apantayan
Nung pagisipan me ping malalam tutung makagulat
O ninu pa ta karing sablang mabibiye kening yatu
Makikagiwan dian pakinabang ing keganagana
Puhunan mu kabud kabiasnan king metung a amanu
Mapagumasid a pusu’t isip, papil ampong tinta

But when it comes to mortals on earth / I would say a writer is most distinct/ for his ability hard to surpass / if you think about it, it really is shocking / What living creature on earth / is capable of giving use to everything / His sole capital consists of wisdom and words / an observant heart and mind, paper and ink

Ing metung a talasulat ding anggang árapan king biye
Mayumu man o masanting, mabanglu man o mabuluk
Mabakanti ya mu oras makalalang neng salese
Nung magaling ya pa, ay, agyu na kang awitan buntuk
Daptanan me mang karawakan, laraman meng maragul
Sapituan me mang masikan, ita ngan adian nang silbi
Ing anggang kapalpakan na manibat pa ‘nyang kebaitan
Ganakan na mung misan, makapanyulat na yang tambing

Every thing that a writer encounters in life / sweet or pretty, fragrant or stinking / he only needs vacant time to properly create / and if he's good, ay, he can influence minds / Do him harm, lie to him big / slap him hard, and he can make use of those / Every failure he has done since birth / can be turned into writing once recalled

Nung bisyu na’ing miminum, pati ing pamipangunyuran
Ukuman ne man ning meto ketawan bilang salbahi
E bali; pangauli na, pantunanan na mung santing
Ing daraptan na at saka na ipoesya king papil
Kuentu ning kaluguran, saingsing ning kayang kasaman
Ing balita king radyu, pati katak nang Kris Aquino
Tipunan ngan king memorya’t idapuk king kamalayan
Lalangan na king MS Word pota nang misan a aldo

Even if his vice is drinking, even constant sex / even if humanity judges him a savage / it doesn't matter; when he comes home, he will just search for beauty / from his deeds and write down poetry / The story of a friend, the complaint of a hated person / news from the radio, even Kris Aquino's litanies / he collects them in his memory and keeps them in his consciousness / which he will animate through MS Word one day

At potang ing realidad makasawa’t alang kule
Gamitan ing waga, mapaglalang a isip paganan
Migut inspirasyun pati king pantasyang agyang dirit
E mu isip-isipan malyari keti kapilan man
Akit mu pati ing ala agyu nang saksakanan biye
At makapatalakad ya pa ping yatu nang sarili
Karing nobela kontroladu na la ngan ding gaganap
Kalinangan a pinupul na ‘bat king kayang paligid

And when reality is boring and colorless / he employs his imagination, his creative mind / he draws inspiration from fantasies that not once / will you think can happen in real life / He can even give life to nothingness / and can even build a world of his own / He controls all his characters in his novels / Beauty he harvested from his surroundings

E ya mu king mílabas malyaring manyaklung istorya
At ali ya rin king ngeni mu malyaring magumasid
Ding posibling maganap king bukas apakinabangnan
Nostradamus, Herbert Wells ding ditak a malyaring ‘sambit
Ing kesikan na pang upaya ning metung a susulat
Obra na makikagiwan yang mabiye kabang panaun
Ambuski pa mete ne ing mengudta atiu pa mu rin
Anting bining daragul ding kalalangan nang dinaun

The past is not his sole source of stories / the present is not his sole object of observation / Even the possible future, he can make use of / Nostradamus, Herbert Wells are a few examples / Another point of strength of a writer / is the ability of his work to live long / Even after the death of the maker, it's still alive / like germinating seeds through time

At ngening panaun nung nu ing pamiyuyugnayan da
Ring marakal a sosyedad sisikan uli ning IT
Gawa ning talasulat aparala ne Amerika
Asable ne Internet anti ring dakal a MP3
At dening anggang kukudta ning metung a talasulat
Makikagiwan lang magpagalo isip da ring tau
Nung pati kiliti ring sablang mámasâ kayang balu
Agyu nong bayuan biye gamit ing masanting a amanu

And today when the connection between / many societies is strengthened by IT / a writer can send his work to America / upload through the Internet like many MP3s / And all these things written by the writer / can control the minds of the people / If he knows how to connect with his target audience / he can change their lives using words of beauty

Ini ing upaya ning metung a biasang talasulat
Upayang masákit sukdan, upayang e ra tanggapan
Kalam a malyaring e balu ‘buski ning makitagle
Upayang king yatung ini e makaying papansinan
Ing kawatasan ku pung ini ing kayang pakinabang
Gisingan la kaladua ring kapara kung talasulat
Ipabalu ku karela ing tatalanan dang sikan
Gamitan da sang masalese para makapamulat

This is the power of a competent writer / power that is hard to measure, power they won't accept / a gift now even known to the owner / power that's often neglected in this world / This poem of mine, it seeks / to awaken the souls of my fellow writers / make them aware of the force they possess / May they use it to open minds

Biye Keni Yatu

2008-03-03T20:21:00.000-08:00

Biye Keni Yatu (Life In This World)

YUBS: This is the song I dedicate to you, my dear. It's a song by the band Istukas Over Disneyland. Ahem... (sings the song) Mouths shut, eyes closed. We pretend to be blind with the things we see. Ears, they're deaf. We do nothing... How does the lyrics go from there again?

To listen to the song featured:

Gulut Ku

2008-03-03T15:52:00.001-08:00

Gulut Ku (My Back)

YUBS: If your feet are already tired and you can no longer walk, I'll give you a piggy back ride on our way home.

CLACLA: You watch too much anime.

Apat a Sagu

2008-03-03T15:34:00.001-08:00

Apat a Sagu (Four Horns)

CLACLA: Come, let's travel the world.

YUBS: Where did you get your carabao?!

Daliawat

2008-03-01T21:48:00.000-08:00

Daliawat (Pimple)

YUBS: My pimple's just darn small! What in the world was Clacla turned off with? Girls... I don't get them.

KARAG: Ribit.

Libut

2008-02-29T15:21:00.000-08:00

Libut (Travel)

YUBS: You sure you don't wanna ride? Just hold on to my waist and we'll travel the world over.

CLACLA: Nuh-uh.

Deyt

2008-02-29T15:16:00.001-08:00

Deyt (Date)

CLACLA: D'ya know I've been waiting here for five hours already?

YUBS: But you didn't leave. That's because you love me so.

Atlung Bábai

2008-02-29T03:27:00.000-08:00

Three Women. A poem about three women with varying relationships with men. Norma leads the typical housewife life. Magda's survival and economic progress are rooted on offering her sexual service to men. Felicia, the wealthy and powerful one, uses the wealth she has acquired to preserve her superiority over her male servants and escape being chained to a man by adopting a child, i.e., "procreation" using wealth alone.

Keti king balen atin kung kilalang bábai
Atlu la dapot ali la para-para klasi
Ding piulian da rening atlu mikakawani
Miyayaliwa ing ugne ra karing lálaki

Here in this town I know women / three women, but they belong to different types / They come home separately / they relate to men differently

Ing mumunang babai ing kayang lagyu Norma
Kanita linuban ning lalaki ing bale na
Kayi kaibat ning siam a bulan kabirabira
Anak ing akit mung mamialung king kayang mula

The first woman is called Norma / whose house was penetrated by a man in the past / after nine months suddenly / one would see kids playing in her garden

Kadua naman Magda ing kekatamung iyaus
Dakal lang lalaki ring king bale na tataglus
At bista man e la maluat mágdatun ding diablus
Máging yang mabandi ing makisusung matilus

The second one is to be called Magda / who lives in a house where many men proceed / and even though the devils don't stay long / the pointy-breasted lady becomes wealthy by the minute

Tauli karening bábai Felicia ya lagyu
Ding kasabi na mung lálaki ring ortelanu
Nung ali no man tuburan dinan no mung sueldu
Ding ának a mámialung kilual inampun no mu

Let me introduce to you Anita Sibal / bathing often and a really hygienic person / exercising every morning, following a balanced diet / changing shirt after perspiring a bit

Deti ring ámanuan kung atlung klasing bábai
Makiyantak ngan oneng miyayaliwa bili
E la miyayalas pangaratang king lálaki
O Kababainan, kenu biye ing kapad mung dili

These are the women I said belonged to three types / they had vaginas but they vary in condition / they are not homogeneous when it comes to men / O, womankind, whose life do you want to take on

Kanyan-kanyan

2008-02-28T04:51:00.001-08:00

Kanyan-kanyan (Being Like That)

YUBS: Our dog kept on barking at me like hell, then I come here only to endure you being like that.

CLACLA: Pardon me?

Kunyari

2008-02-28T04:49:00.001-08:00

Kunyari (Pretend)

CLACLA: Don't flatter yourself too much. I only pretend to be afraid of you.

KARAG: Ribit, ribit?

Pagaga

2008-02-28T04:46:00.001-08:00

Pagaga (Crybaby)

YUBS: Do carabaos cry as well when feeling bad?

DAMULAG: Ngaaaa.

YUBS: I wish I were born a carabao.

Malagu

2008-02-28T04:42:00.001-08:00

Malagu (Pretty)

YUBS: Have I ever told you before how pretty you are when you cut yourself?

CLACLA: Yes, a lot of times already! I'm even getting tired of it!

30 Minutu

2008-02-27T15:13:00.000-08:00

30 Minutu (30 Minutes)

YUBS: I'll stay like this until you forgive me. I'll wait for all my blood to come to my head until I perish.

CLACLA: Give me thirty minutes to think things through.

YUBS: Please make it fifteen minutes?

Magkukulam

2008-02-27T15:11:00.000-08:00

Magkukulam (Witch)

YUBS: Suppose a witch came and turned me into a frog, would you still love me?

CLACLA: I don't know. I just really can't stand frogs.

Layas

2008-02-26T16:13:00.000-08:00

Layas (Stow Away)

CLACLA: Go forth, O Carabao! Take me away from all the insanity of the mortal realm!

DAMULAG: Ngaaaa?

Sandalan

2008-02-26T15:54:00.000-08:00

Sandalan (Someone To Lean On)

CLACLA: Yubs! Here comes the bullfrog again!

YUBS: You know me only when you see bullfrogs.

KARAG: Ribit.

Kutang

2008-02-25T16:42:00.000-08:00

Kutang (Question)

YUBS: In your opinion, does Clacla love me?

KARAG: Ribit.

YUBS: Tell me the truth.

Sigiripit

2008-02-25T16:39:00.001-08:00

Sigiripit

YUBS: (a stale children's joke) There were two birds. One is Sigiripit, the other's Sigarapat. Sigarapat was shot. Who's the only bird left?

CLACLA: I am not happy in this relationship.

Saksi

2008-02-25T16:15:00.000-08:00

Saksi (Witness)

CLACLA: Yubs, please shoo this bullfrog away! I hate frogs.

YUBS: Let it stand as witness to this romance we have for each other!

KARAG: Ribit.

Dibpan Ning Alti

2008-02-25T08:35:00.001-08:00

Dibpan Ning Alti (Lightning Stricken)

YUBS: Is it true that there is a high chance of being struck by lightning when standing close to carabaos?

DAMULAG: Ngaaaa...

YUBS: Mind if I hang out with you here?

Kebaitan

2008-02-25T08:32:00.001-08:00

Kebaitan (Birthday)

YUBS: You forgot my birthday was yesterday?

CLACLA: No, I just didn't greet you.

Nekstaym

2008-02-25T07:52:00.001-08:00

Nekstaym (Next Time)

CLACLA: The moment we fight and I go running away, you should chase after me.

YUBS: Okay. Next time.

MP3 Player Ku

2008-02-25T04:08:00.000-08:00

My MP3 Player. A poem on self-determination amidst the tsunamis of imperialism.

Karing sablang tau atin kung ikuentu
Iti tungkul ya king MP3 player ku
A seliwan ku alagang atlung libu
Nung bakit, oyni at sabian ku kekayu

Siping ning bale mi ating pápatigtig
Kanta la pung i Thalia ing daralit
Kayi pákasikan no pamo ning buysit
Ing Mexicanung lawiwi e ku ilig

Mákiyangkas ku kang Bapa king saken na
Patye mame ya San Fernandu king obra
Ding pákiramdaman na kantang pangmatua
Lalangi ku utak, e ko kapad deta

Potang sake kung bus papunta Menila
E ku abata’ing “Ispageting Pababa”
Nung puedi mu sana, “Radyo, pakihina!”
Oneng mákarine naman karing al’wa

Siping nang bale ning boarding house ku karin
Kanu no mang rapper ding karelang batuin
Kakalabug ya ing gabun, banua pa pin
King sigla ning component ning anak pating

Bang mikabus ku rugu king pangariking
Karening mámandi king timawang angin
Menipun ku mong pera, perang panyaling
MP3 player at earphones a masanting

A loku, ali ra na ku adiktan pa
Ring pápatigtig masikan a musika
At nung ali ku man kapad ing karela
‘Lage ing player ku’t ala nang problema

Iti ing kuentu ning MP3 player ku
Pisalangian ding dalit a kakung lub
Iya ing migsalba karing balugbug ku
Kang Thalia, king Kanu, at otsu-otsu

Mau Ya I Mappi

2008-02-22T07:11:00.000-08:00

Mappi's Thirsty. A poem about viewing things as part of a process versus viewing things as static objects that don't undergo change. If we are to view each predicament as a part of a certain process, then we would be able to act based on what is needed to help in the completion of the process.

Mebilad patingapun ‘nya mau ya i Mappi
Mengaring Sahara ing akmulan na king langi
Kayumanggi nang balat migkule neng suklati
Susun-susun ing kayang panimanman king páli

Linibut ne ing balen bang manakit ayinum
Ambuski king gintu e na ‘paglibe ing danum
Karas king iskuela kaban atin yang apantun
Oneng yelu ing laman na, e man dugu danum

Mine ya munisipyu’t mengutang karing tau
Nung ninu ing makapagdaun saup king mau
Ing pekapun a opisyal iya’ng karelang tildu
Dapot yelu mu naman ing abiye ning taksiapu

King pisamban melili ya ing malangi batal
Ing buntuk nang mapáli, ay Dios ku, mákakintal
Ikit ne ing pari’t kaya pinulandit samal
O’t yelu mu rin ing yayampang na ning patakal

Istasyun ning radyu ing tutuki nang pintalan
Mebrodkast ing saingsing nang iya sana asopan
De ring sablang kabalen nang kaya mákáramdam
‘Tin peralang kahun ‘neng yelu mu rin ing laman

Kinatuk ya i Mappi karing siping nang bale
King pagal at maung bili kas’wala neng mete
Ding anggang anyaranan danum, nu ya man ume
“Nanan ku rugu ing yelu?” ing gagkas nang pane

Manibat pang nandin abak mau ne i Mappi
Merunut pang-asa inya karela minuli
Kapunta kusina ikit ne ing kayang Atsi
Ayba! Miminum yang danum ing dibpan ning alti

Kitnan neng Mappi nung nu na ibat ing ínuman
“Iskuela, munisipyu, ampo na king pisamban
Balen at karing taung king radyu mákiramdam”
Ngana ning babaing mataluras na akmulan

“Inayan ku la’ rin oneng yelu ing babiye ra”
I Mapping mákalunus ita ing kayang istorya
“Yelu mu rin, wali ku, ing kaku inabut da
‘Nya pangatuno ring yelu kakung penenaya

Akalinguan mung king danum gawa ing yelu?”
Kutang nang Atsi nang Mapping nandin pa mipasno
“Nung tinipun mo ring yelu’t kekang pepalaso
Mekayinum ka sa’t mekapainawa, ali mo?”

Bayu Melasak

2008-02-08T17:25:00.001-08:00

Ing tagimpan ku kanita, maging ikata.

Asna kang ka-cute. Asna kang kaganaka. Asna kang kasikan lub mangabit matuling a lipstick potang lulub ka UP. Atin pánga-punk ing kekang fashion sense. E na mákapakirut kasi bokalista na ka ning metung a bánda. Oneng kalupa na pin ning amanuan mu king Friendster, trip mu mu ing makanitang imalan; e ka maniwalang ita ing pipamantayan ning pamaging rakista. Tsk. Inya naman crush da ka e.

Inyang king ku pang UP Pampanga, atin tamung reporting king Com 2 kanita. Asna kung katamad panigaralan ing report ta inyang aldo bayu ing pamag-report. Kayi bigla kang mig-text. Pápasaup ka king aldong tutuki para king kekang report uling e ka mipaindatun isip uli ning pate yu ning tau mu.

Inya menigaral ku.

King aldong katuki nita, sinulud ke ing bayu kung asul a baru. Kalub ku library, sabi mu cute ya ing imalan ku. E ku na mu asabi, cute ka mu naman kanita.

Corny ku, ne?

Metung naman a bengi king Quezon City, Third Exam ku king tutuking aldo kanita king PolSci 14 inya pákakalat la ngan ding readings at lecture ku king lamesa king sála ning boarding house, kawalu ning bengi. Pákasadya na ing kape king lele kasi pilmi kung maging na ku na naman Master Showman king benging ita (“Walang tulugan!”). Kayi mig-text na ka’ kabud. Syempre mekibat na ku man. Kaibat, migbabad ta na king pamag-text! Makatula la ring kekatang sasabian king balang metung. Dakal ku abalu tungkul king biye mu – king masikan mung ilig king pamanigtig, king protesta nang ibpa mu king ilig mu, at aliwa pa. Pati itang lihim a kasulatan a kinudta ku kanita tungkul keka, apisabian ta mu rin. Ing masanting keta, cool ka mu tungkul keta.

“E ku na mu asabi kekang apaninapan ku mu rin ing mitáu kata kasi pota mag-freak out ka,” ngaku pa.

“Ali naman. Astig pin e.”

Inya naman e ku rugu mekapanigaral manggang 11 nin bengi. Ambuski manga 20 minutu kata mung “mísabi,” metung a oras kaibat na nita, ditak na mu mamaglundag ku king ligayang dela ning simpling pamipangamanung ita. Sigi na pin – wa, memaglundag ku talaga.

Corny, ne?

Sembreak inyang mílabas a banua, tatali ke pa ing buak ku king gulut. Mig-get together tamung mikakaluguran UP Pampanga king Fontana, overnight. Aku, ika, ing tau mu, at aliwa pang kaluguran. Wa, ati yu ing tau mu. Iya ing menakit ketang lihim a kasulatan kinudta ku dikil keka, dikil kekata. Syempre e ku mipaindatun. Kayi uling mamulang ku, e da ka mo pinansin mabilug a bengi. Inyang minuna kung abalitan a kinalat ya itang sulat kung ita, medyu mig-panic ku. Oneng keluatan, ayisip ku, bakit ku tumakut karing sarili kung amanu? Tutu la ngan deta.

Atin oras a ikata mung adua king sála: aku, mánalbe kung Starstruck Season 2 at pánenayan ke ing pamaglage nang Chris Martin bang págsisti, kabang ika, atin ka yatang babasan o mánalbe ka. Pakisabian da ka sana, oneng praning ku king tau mu.

Pulus tamung alang agawa inyang linalam pa ing bengi, inya naman memialung tamung Spin-the-Bottle. Red Horse Bottle. Truth or truth, alang consequence. Apiyikit-ikit ku nang makulkul ya ing personal kung biye (a masalese kung sasalikut karing tau), pero salamat king Red Horse, sinikan-sikan ing lub ta. Mumunang inum ku pala ita king ganap kung biye.

Mumuna da mu rin ikit ding tau ing metung kung dakeng e da sukat isipan atin ku.

Inyang tinuldu ya kaku ing boti, ala lang akutang kanakung juicy. Boring ya kasing lálon ing biye ku kasi ala kung kukuentu karing tau. Dakal karela, pulus lang alang balu. Inya mig-volunteer kang ika na mu ing mangutang. A, balu ku na ing ikutang mu, ngaku king isip ku.

“O’t asulat mu ita?”

“Kasi ita ing pánamdaman ku kanita,” mabilis pa king alas singku kung pekibat kabang e man makalawe keka. Págumasdan ke mu itang boti ning Red Horse a bagya-bagya ku nang abuburi. Lasa ampong epektu. Alang arti keng pekibatan ing kutang mu agyang kasiping me ing tau mu.

Makatula la lupa ring inosenti tang kaluguran. Clueless la. Sabi ning kasiping ku, “Kapabaluan, i Jason pu atin yang sinulat tungkul king kayang inspirasyun a kena na Internet.”

“Ninu ing inspirasyun?” ngara namang menusisa.

“Patye mitutuk yang pasibayu ing boti kanaku, karin ku makibat,” ngaku. Kayi biglang, “Aku,” sabi mu. Whew. Sumap ika na ing migbuyangyang. E ku kapad ing manibat kaku, kasi ati yu king lele mu ing tau mu.

Kasaya na ning benging ita, ambuski pa e ku makaying migsalita. Mákarine mu pin; ambuski pa e ku melasing kabang miminum tamu, melasing ku yata katudtud. Kuentu mu, atin kung sasabian tungkul king Online Enlistment kabang matudtud ku. Tsk. Sana ing sinabi ku na mu ing solid a pánamdaman ku keka anti mong “unconscious confession.”

Ka-corny ku talaga!

Kabangun ku, ala na ka, kasi keilanganan mung muling maranun. Mig-text na ku mu keka at menyawad sorry kasi e da ka makaying átuan. Minasala ku keka nung bakit, at aintindian mu naman. Aku naman mine ku High School Reunion mi; katuki ne kasi ning outing tamu at king Fontana ya mu rin. Sabi ku keka king text, mabuburat na ku king reunion mi kasi e ku no man kabásang makayi ring keraklan karing kaklasi ku dati. Kayi sabi mu, “Sigi, aku ing maging GENIE mu at pasayan da ka! Hehe.”

Atin kung sabian... corny ka’ naman pala! Hahaha. Inya naman buri da ka.

Aka-chat ke YM ing kayabe kung linipat kening UP Diliman. Pámuysitan na ku tungkul ketang abalu na tungkul king pamalsinta ku keka. Kitang na, o’t e ra ka kanu paglolon? Lupa na ku man kanung ating pang-asa agyang pakananu. Pakibat ku, maturak-turak ya yata king sasabian na! Atin kang tau e.

“Tuod,” ngana. “Matagal na silang wala.”

Ay, maibug kung ma-stroke kanita. Kasi nung balu ku mung ali na pala ikayu... pota pa sa sinabi ku kekang daretsu ing atiu kilub ning pusu ku inyang benging mig-Fontana tamu. Inya naman ibat king aldong ita, pengaku ku king sarili kung misan a aldo, ipagtapat ku keka.

Misan a aldo pa pin, kasake ku king metung a bus pataglus Cubao Ibabaw, atuklasan kung makabuklat ya zipper ing bag ku. Mawawala ya ing cellphone ku, mápilan a class card, at ing dinalan kung pesus. Balu mu ing minuna kung pekiyisip?

Syet! Detang message mung sesesen ku, páka-store la ngan king inbox ning cellphone ku!

Wa, ring kekang text, makatuknang la mu king inbox ku. E naman keganagana, oneng dakal. Manga 20. Pengadi kung sana ing menako king kakung cellphone manakbag ya king overpass king Philcoa at malaparis yang taxi (ambuski pa lupang imposibli kasi bagya la mu kikimut ding saken keta uli ning traffic). Mímasmas na ku man kaibat. Uling ing tutu, maka-store la pa naman king pusu ku ring anggang mensahi mu.

Tanaydanang corny!

Kayi inyang misan pa pala, inyang minuli ku Pampanga ibat Diliman para manalbe Mr. and Ms. UP Pageant, kayakit mu kaku, pinulandit ka kaku. “Jasooooon!” at kinaul king kakung takde. Balu mu nung makananu kasagradu ing pitung segundung eksenang ita?! Na?! Ali mu, kasi inosenti ka, inya mas cute ka.

Asna kang ka-cute king mala-Avril Lavigne mung getup king benging ita. “As usual,” ngaku sa king isip ku, oneng e na ka man pulus Avril mágmalan, ali? Atin panaun a girly kang mágmalan, kumpletu pati makuyad a palda, buak Sailor Moon, at matas a medyas. Basta cute ka agyang Bananas In Pajamas ka pa gáyak.

Kayari ning pageant, minta ya ing barkada king Total bang tumambay. Ala mu, kuentu kuentu, bagyang inum, at aliwa pa. Asna kang ka-cute kanita: gatas ing pinili mung inuman. Sabi mu e mu na buri ing beer kasi pota bumungko ka pusun. At saka para na mu rin tumas ka agyang bagya, kasi ngamu pin king Tagalug, “Sadyang maliit lang talaga ako.”

“Lumakad tamu,” kumbira mung bigla.

Inta 'ali' wari ing ipakibat ku? Oyta, linakad katang ditak, bala mu sira buntuk a ala naman puntalan. Balu mu namang e ku masalitang tau at mayilig kung mányalikut pilubluban. Dapot balu mu? Bayu te likuan ing lamesa da ring kaluguran ta, ginulut ku pa mu at tiniman karing kabarkada ta. Balu mu na; kasi lumakad katang ikata mung adua e.

Corny.

Linabas ing panaun, sinikan nang sinikan ing kalampag ning pusu ku para keka. Masákit, kasi king kang Pampanga at yaku, king Diliman. Ing gewa ku na mu, gewa ku ing keganagana bang sálese ku kumpyansa at sumanting ku personalidad. Pemilit kung maging masikan lub para keka. Migtagumpe na ku man kasi agpang karing kakilala ku, sabi ra bala mu kanu ating menaliwa kanaku. Dinagdag ku kanu “dating” ngara. Dati kasi e ku bitasang bubulad o nanu. Bala mu antisocial kung mákabitki biye.

Pengaku ku, Kaleldo 2005, paglolon da na ka, kabalik ku ibat king pamagbisita mi king ibpa kung caregiver king Amerika.

Oneng o ba’t makanita?

Indu, Ibpa, Makanini Kung Mebiasa Tungkul King Sex

2008-02-02T07:10:00.000-08:00

Ka-21 ning Setyembri, 2017

Pakamalan kung Indu at Ibpa,

Gewa ke ing sulat a ini inyang 15 kung banua. Effective ya mu banuang iti (2017) ing sulat ku kasi marine kong sabian kekayu ring makatuki inyang baintau ku pa mu. Nung maranun yo mung abalu, inta e na ku kilung Papa king kuartu, at inta e ne bebang Ima ing bakal ku? Pota pa pin sa pelayasan yu ku king bale. Dapot ngeni, matua na ku’t talasawa; siguru naman OK nong ibuyangyang deni.

Mangamal kung pengari, e ko paybunsul king iyamanu ku. E ku naman kasalanan. E ku sasaryan; kabud na mu meganap. Siguru binalak na ngan ning Indung Tibuan. Pakisuri pa mu ing kekong prisyun at siknangan yu ing lub yu. Nung e ko pa minum bitamina, ita pa mu ing daptan yu. Pota kasi kumaskup ko salu at mangalagas ko buak.

Indu’t Ibpa, king lagyu ning katutuan, kakung sasabian—Grade 3 ku inyang minuna kung memulagat king sex.

Saguli! Mangisnawa ko pa mu. E mangabaldugan itang mekipangatawan ku inyang Grade 3. Ikayu naman, kang Misis ku minunang mekasubuk. Ing buri kung sabian, mikamale ku (at meging mayusisang bagya) tungkul king sex inyang Grade 3 ku.

Ing pigmulan nini inyang mamialung ku king mula anti mong anak a malati. Sinilip ku king awang ning kuartu nang Darang Irma. Balu yu ing abatiawan ku? Makalukluk ya i Bapang Gary king kama kabang mipanuma lang manyaman detang lalaki at babai... king TV. King kaladua ning pamanusisa, mekialbe na ku mung palihim kayagnan nang Bapa. E na balung e ya magdilidili king kayang pamanalbe.

Karas Grade 4, dinakal ku pa kabaluan ibat karing kaklasi ku, pelalu na kari Reynielle at Steven. Deta, ila pin ding pekamabalu kung kaklasi tungkul king sex king elementarya. Nanunanung salita ing pepakilala da e mu kaku nune pati karing kaklasi ku, anti mo kayi... e ku na mu sasabian. Balu yu na. Sex terms. Detang yausan dang colloquial. E retang pang-syensya.

Karela meging masala kanakung ing male reproductive organ luluban ne ing female reproductive organ potang mipanginyud la. E ku naman isip-isipan na atin palang malilyaring makanita! Bala ku sa kabud mu kupal ing lulub kalual king baril ning lalaki. Makanita pa man, e pa rin kumpletu ing kabiasnan ku tungkul king sex. Salamat king Ginu, atin pang High School.

Masalese ko pa panamdaman, kanakung pengari? E ye sa pikakarine ing kekong malugud a anak at e yu sa pagsisian ing pamagparagul yu kanaku. E ko migaganaka. Responsabli kung baintau kanita; e linub king isip ku ing sumubuk. “With Distinction” ku pa mu ibat Grade 5 anggang Grade 6, atatandanan yu? Mangabaldugan mung ing pamagaral pa mu rin ing kanakung bubulusan oras. Ding berding bage, malati la mung dake ning kanakung biye kanita. At saka angga ku mung lawe kanita; e ku pignasan ing makatalan.

Paynawa ta pa mung bagya. Agyu yu pa? OK. Dintang ing mumunang banua ning high school.

E ku kasalanan, pengari, ing mikamestru ku king Philippine History a alang marine magsambitlang bagebage tungkul king sex at pornography. Lakuas na kung mitas kabaluan. Kaya ku mu abalung malilyari pala ing yausan dang anal sex. “Nakahiligan na nilang mag-alkansya,” ngana pa.

E ke mu rin akalinguan itang mestra ku king Computer. Ing pamagmasala na, ambuski mangabiran king istilung “formal sex education,” mekadagdag pang lakuas king balu ku tungkul king yatu ring makatua. Nung ali kaya, e ku abalu kabang maranun ing akmulan da pala ring aliwang babai! Mepakilala ya mu rin kaku ing salitang “oral sex,” dapot balu ku ne ing konseptu kanita pa.

Oyni ing e ku maibug kalinguan. Kilala ye pa i Warren? Minta ke kanita ring kaklasi ku (samut lalaki at babai) ketang bale na bang magsaneng Ibong Adarna. Inyang atuklas nang Warren ala lu ring pengari na karela, kinumpul ke ketang silid na at menalbe keng Jungle Heat. Wa, aku ing pekamasigi king TV, oneng malabug ku kasi mata kanita e. Aparti kanita, ala na kung aliwang sangkan nung bakit aku ing pekamasigi. Kasalanan yu—atnang kalambat bayu yu ku seling salamin pangmata.

Masala ku pang atatandanan. Keganaganang mata makatalikala keng makapalage nung nu magaganap itang pamipangatawan lele ning swimming pool. Atin kekami titiman la; ring aliwa “yuck” ngada; ding aliwa naman bagya da mu kapad; ding aliwa naman agyang kulaitan mo balugbug e da ka siguru pansinan. Oyni ing ipagmaragul yu king anak yu: menalbe ku mu pauli ning manalbe la ngan kasi. Ala nang aliwa pang sangkan, o pengari kung saslag king madalumdum a labuad. Ambuski pa istudyanti kung atin kakatasan gradu, itang maging-Valedictorian mi high school kayabe miya mu rin.

Kayi agya’pang samut keng lalaki at babai, alang milyaring mala, pangaku. Alang sampagang biglang midugpan buanbuan; alang maputing papil a biglang mitalamsikan tinta; alang burak a biglang mesarul. At e ku mu rin meging inspiradung makipag-premarital sex. Masanting ing balu ku ing ustu, e wari? Paniwala ku kasi kanita, ing sex, dapat daptan ke king ustung panaun at karinan abe ing ustung tau. Ikua yu?

Ay Ginu ku, keluatan, minyampukaki ku pa lalu balu. Kabang kakabus ing panaun, nanunanu na ing mekalub king kamalayan ku—mekapitung siam (69), sarul (wheelbarrow), titlu (threesome), tiapat (foursome), pamagbulasisi ning babai, “pangasuku ning nyaman” (orgasm), at aliwa pa.

Ing tuknangan nang Warren pasibayu yang meging pipanalben pelikula inyang ing grupu mi gagawa lang backdrop para king Florante at Laura inyang Kaduang Banua. Ing pekabatuin nitang pelikula i Britney Spears—ali, kawangis ne mu.

Intindian yu, Ima at Tatang, na e ku panintunan ing makanini. Ati lu mu talaga king kakung paligid. E ku agresibu. Atin ko mu rin bagyang kasalanan; misan kasi, mipasubung kung manalbe Sutla uling ikit ke mu kabud king lansena yu.

Inyang kayi, bayu ku linub College, atumaran keng alben ing Viva Hot Babes king pirated VCD, ali uling seliwan ke, nune uling atin kung kaklasing babaing sinali para alben king outing ning barkada mi (angga ngeni e ku balu o’t keibugnan neng alben ita). E ku pa kelinguan nung makananu milang pigtisti ring salimpapong susu nang Maui Taylor uling lupa lang bolang pang-bowling a kule balat tau. Kayi ring susu nang Katya Santos naman, makalolo la. Ula mi pin, dalaga yang inda. Aganaka mila pin ding susu nang Regine Velasquez e.

Samanta atin ke mu rin kaklasing ating pelikulang Sex Drive king pirated VCD. Pepandam ne kaku (a selikut ku kilub ning kakung College application form envelope king lagyu ning seguridad). Makanita pa man e ku ne ilben uling putut la karetang mapaling eksena. E na ku man bisang manyayang oras.

Atin mu rin forum king Internet, “Sex and Intimacy” ya lagyu. Dakal ku rin akulkul a kabiasnan keta. Ing kabaluan keta bala mu bunga la mung pun a malaguang agtalan. Kayi ala pang Dios a tatanud at kamamalung sisitsit.

King panlawe ku dapat yu kung ipagmaragul kasi e ku mebaluktut isip karetang sablang abalu ku. Ala kung diptanan harrassment at e ku mikaibug a gawan ita. Ing pamagaral ku at ding pangarap ku pa mu rin ding kanakung inuna, ali?

Nung lub yu mu kanita, ayus mu kaku ing mipamiru tamung adult jokes ampong mipangamanu tamung masalese tungkul king sex. Kasi balu ku na; e ku naman buri ing pamalatkayung kunyari mo inosenti ku. Responsabli na ku man. Ing isip ku pa mu rin ing manibala karing kakung pangimut. Ima, Tatang, kasalese yu kung peparagul! O’t naman mo luban ku ing kalokuan?

Atin pa pin bengi kanita na e ku mipatudtud kayi lipat-lipat kung channel king TV. Kayi atin kung asusuliapan a pangmatuang palage wangis da ring king Wowow (atuklas ko reta inyang Grade 4 ku pa). E ku man maniglo. Mas buri ko pa pin detang seryosung pelikula, National Geographic, cartoon, drama, ampong MTV. King maranun kung pangabilad karing yausan da mong pangmatua, sinawa na ku mu rin. Normal na la mung anting palage king Cartoon Network. Me-demystify na la inya e ku no paniglon. Ali?

Oneng dapat kung aminan, mekabasa na kung pangmatuang magasin—(malating dake ring) Cosmopolitan, FHM, at aliwa pa. Dapot nanu ing sangkan? Ali uling buri kong basan, nune uling ati lu. Simpli. Itang paboritu ming kapean king Balibago reta ring parati nang makalele a magasin, inya ala kung pagpilian kanita. Nung mipaytagun ala lu keta, e na ku man manggatal king pamanintun anti kareta. Bakit? Kasi pin, ali kami adik karing makanitang bage.

Bali ngeni, 30 na kung banua, atin nang anak, e na ku mipakirut nung datang ing aldong ing anak kung lalaki mamin ya mu naman anti nining kinudta ku (maliban na mu nung bigla nang sinabi kakung mekabuktut yang babai, inta e ke itabi). E no magsilbi kaku ring inosenting lawe kasi delanan ku na ita e. Nung e ya man mamin, balu ku pa mu rin na manikua’t manikua yang kabaluan ibat kilual. E ke pilitan mamin. Nung e na buring ibuklat kaku, alang problema. Ita mu rin kasi ing gewa ku.

Abalu ning balang anak ing tungkul king sex agyang pang pisasalikut ding pengari. Lakuas nang mabilis ing pamaglub ning kabaluan karing mayusisa. Malagu ya ing kalma yu kasi e na ku man makaying masisilo karing bage tungkul king sex. Ing busal ning anggang amanu ku: ing kapaligiran ing natural a magpakilala karing anak king sex king metung a paralan a e malino kekatamu, kasi e ta’ no man akakit ding anak tamu 24/7. Datang ne mu kabud anting manako patye bengi para daklutanan purung kamalayan ing penganak.

Ing maralas ku pin sabian king sarili ku, “I am not sexually and pornographically hyperactive; I’m just not innocent.”

Yari na ing pamangumpisal ku. Salamat, kakung pengari, king ali kayu mebunsul karing penyabi ku. Ikayu ring pekamasaleseng pengari king meto yatu. E da na ko kutnan nung makanini ko mu rin inyang iko ing high school, king lagyu ning respetu king pengari at kapat a utus ning Banal a Miglalang.

Lulugud alang patad quecayu mangga quing queang pangamate,
Ing Quecong Anak

Susug: Balu kung atin yang picture message a lubas i Papa king 3210 na inyang katlu kung banua king high school.

Pangabait Nang Pungul Inosenti

2008-02-02T02:58:00.000-08:00

Birth of Pungul Inosenti (Baby the Innocent). A poem on the birth of identity, on self-determination, on making a path rather than taking the usual ones.

Sumangid atin metung a yatu
Ding salita ra para king tau
Nung bilangan mu la atlu la mu

Kabait nang Pungul Inosenti
Abalu no ring amanung deti
Malutu, Dilo, ampong Maputi

Uli nita atlu ya' pigpilian
Nung sanu ing buring maging dalan
Dapot e buring pamaliguanan

Kayi sibukan meging Malutu
Wangis da ring mangatua king baryu
Oneng e pa rin kuntentu pusu

Kayi sibukan nang meging Dilo
Kalupa ring sasamba king aldo
Dapot biye e pa meging malino

Kayi sibukan meging Maputi
Anti retang aliwang kakasi
'Neng panamdaman pa rin ing lili

'Nya pisamut na no mu ring atlu
At ing linual aliwa yang anyu
Para keta ala pang amanu

Kemuanan de reng sablang Malutu
Inyang pekiabayan no rugu
Lawe da kaya ali ya tau

Parang kalma'ing disan karing Dilo
Linapit ya saka ya mebulyo
Inya i Pungul mengapalako

Karing Maputi e ne mebigla
"E ka tau," ngara anting sadya
At saka ya rugu mengapalua

Linapit ya'ing metung a kaladua
Saka ne kitnan o't gagaga ya
Sinabi nang Pungul ing istorya

"Ali ku pu balu nung nanu ku
Inya yausan da kung ali tau
Nanu'ng maging lugal ku king yatu"

Pakibat ning kaladuang kasabi
"E ka Malutu, Dilo, Maputi
Oy, metung kang Pungul Inosenti"

Dinalan a Poesya

2008-01-30T04:34:00.000-08:00

A Hundred Poems.

I.
Sampaga at suklati na naman wari ing ‘biye ku
Deta na’ng pane ring babiye ring baintau
Alub mu wari’ng dian meng kareta mu
Nung bukud yang dili keka ing metung a tau
Aparti pa kanita kapus kung sikan a lub
Pakisabian da kang arapan at gagalgal na ku tud
‘Ta nung atiempuan da ka pang ala keng mood
Makananu kung ikumpisal ing kakung lugud

Pre-Chorus:
Inya kuanan ke ing bolpen ku
King papil ilikas ding kakung amanu
Nung gawa kung poesya, e mu metung nune dinalan
Apatawad mu ku kaya king e ra ka adaretsuan

Chorus:
Poesya lang dinalan
Ding yampang ku mo sa keka
Istorya ku ing pangabaldug ning lub ku
Ipanupaya me ing maina-lub a maglolo
King tinta’t papil ya pa minyawad saklolo
Magsilbi no kaya
Ring dinalan a poesya

II.
Ing mumuna kung poesya tungkul ya kanitang
Primeru ra kang akasiping ‘nyang tauling bulan
Memiye yang obra ing mestra’t saka mu ku kitnan
“Buri mung i’ta na’ng adua ing king Group One”
Kadua, katlu, at kapat, dudurut la ngan
Makananung linabung ing kakung panamdaman
Ding tutuki tungkul la karing kabengian
E ku mipatudtud uling ika ing isipan

Pre-Chorus:
At, wa, kuanan ke pa’ing bolpen ku
King papil ilikas ding kasundu
Ding gewa kung poesya, dapat mabut lang dinalan
Apatawad mu ku kaya king e ra ka adaretsuan

Chorus:
Poesya lang dinalan
Ding yampang ku mo sa keka
Istorya ku ing pangabaldug ning lub ku
Ipanupaya me ing maina-lub a maglolo
King tinta’t papil ya pa minyawad saklolo
Magsilbi no kaya
Ring dinalan a poesya

Bridge:
Oneng balita ku
Atin poporma kekang baintau
Matas yang lalaki, komanggi at semikalbu
E wangis ku, iya, agyung agyu
Nang magsalitang alang karug king arapan mu

Pre-Chorus:
Aduang pulu la pa’ ring poesya ku
Agyu wari’ng makisaglulu
Ding gewa kung poesya, nung miras la mang dinalan
Sana king pusu mu ala ka pang peluban

Chorus:
Poesya lang dinalan
Ding yampang ku mo sa keka
Istorya ku ing pangabaldug ning lub ku
Ipanupaya me ing maina-lub a maglolo
King tinta’t papil ya pa minyawad saklolo
Makatagal la pa
Ring dinalan kung poesya

Ing Dutung at Ing Watas

2008-01-24T05:42:00.000-08:00

The Tree and The Poet. Artistry can be an excuse for either apathy or sympathy without action.

Aro, ne, itang dutung king mula
Dit na mu dasan ing pangalanta
Kaya, maluat, alang menibala
Ala rugung lagu uling mawa
Sisilip king awang bitiawan ne
Ning watas ibat kilub ning bale
Ing dutung a migkulangan sese
Ing dutung a mayayari na biye

Ing lunus ing tambing memayani
Pusu ning watas a mekasaksi
Buri neng bayuan ing pobreng bili
Dapot e bisang lumual king pali
Ikua nang linimpas ning panaun
Asisilip ne pa mu rin ing pun
King banyu atin timba ning danum
Oneng king pun matamad iraun

Kinua na ne mu ing panyulat na
At miglalang ne mung poesya
Dikil king malukang pun king mula
Kabang kilual awang lalawe ya
Yari kilub ning walung minutu
Ita na’ing saup na king kalulu
At mipasno ya ing kayang pusu
Ita mu ing mipasno, ita mu

How Intellectualized is the Kapampangan Language?

2008-01-15T08:52:00.000-08:00

Ngana ning metung a pang-meto yatung pantas ning Sociolinguistics a i Bonifacio Sibayan, ing amanu atin yang atlung klasi ning asasalakupan.

Deti : 1) ding non-controlling domain (NCD) a gagamitan karing pibalebale at ing lingua franca, 2) ding semi-controlling domain (SCD) a kakaul king panyalpantaya, pulitika, at kalibangan, at 3) ding controlling domain (CD) nung nu karin ding pekapun kareni ila pin ding a) kapanibalan kambe ring atlu nang sanga (talaganap, talapanukum, talagawang kalakaran); b) pamagaral kambe ring elementarya, sekondarya, vocational-technical, at mas matas pang kabiasnan; c) obra anti mo Batas, Medisina, at Pamanayus Kuenta; d) syensya at teknolohiya; e) negosyu at komersyu; f) IT abe ing pangmaldang pamipangamanu; g) literatura; at h) pamiyuyugne ring bansa king meto yatu.

Karetang atlung klasi ning asasalakupan ning metung a amanu asukad nung makananu ya ka-“intellectualized” ing Kapampangan bilang metung a amanu. Ing pekagagamitan a amanu kanu karing CD palagi yang “intellectualized language.” Ing metung a amanung intellectualized ngana pang Sibayan, amanu yang malyaring gamitan para makapamiye at makakuang kumpletung pamagaral king nanu mang parang ning kabiasnan ibat kindergarten mangga king kolehiyu at lampas pa.

Ing metung a intellectualized language, dapat asusulat ya mu rin, inya kailangan ing tenakan king pamamása at pamanyulat. Ding kabaluan at impormasyun dikil nanu mang paksa makadapuk la at malyari lang kuanan ibat karing miyayaliwang pidapukanan wangis ding libru, CD-ROM, at pati na ing Internet. Ing kabaluan a bunga ning bayung pamanyaliksik, maralas masusulat ya king metung a intellectualized language.

Ngeni, sukdan ta’ya ing kabilian ning Amanung Sisuan.

Non-Controlling Domain (NCD)

Gagamitan ya pa ing Kapampangan karing NCD dapot sasalikungkung nang masalusu ing pamanggamit kanini. Atin nang mapilan a lilipat king Tagalug; patutu kanini ing maragul a bilang ding Kapampangan a Tagalug na salita king sarili rang balen.

Semi-Controlling Domain (SCD)

Malaut ne mu rin arasan ing Kapampangan king parang ning panyalpantaya. Maralas ya pang magagamit ini karing misa at dakal ta’pa akit a kasulatan a gagamit Kapampangan, pati na ing Biblia da ring Katoliku.

King pulitika, meging sikat ya ngeni ing pamanggamit king Kapampangan king pamangampanya. Anti mong makabayung siak, akakit kung uli ning panyambut nang Eddie Panlilio, a ginamit malugud king Amanung Sisuan king pamangampanya, mas buri ra ne kanyan gamitan ing Kapampangan ding tágal pa karing tutuking alalan. Meging ne kasing simbul ning panyambut keti Kapampangan.

King kalibangan naman, magagamit ya pa ing Kapampangan dapot mitatauli ta’nang palak. Karing baryu-baryu sikat pa ing pamakiramdam karing mamulosa at mamasultu. Oneng king siudad nung nu karin TV, radyu, at computer na ing libangan king bale, at bar, concert, at sine kilual, komusta ya kabilian ing Kapampangan?

Tutung atin nang mangaltong bayung Kapampangan a kanta oneng ing tinggasi kareni nung agyu dong ibatbat ding akakua ring malda ibat king Katagalugan at Albugan. Para agampan ini kailangan mikakabiasnan tamu king makabayung paralan ning produksyun at pamaglinang. Makapatalakad tamu mu rin dapat facility a panggawa kareni. At ing maulaga mu rin, kailangan apisali la ring lelangan a Kapampangan king maldang tau. Tinggasi ini karing kekatamung kapitalistang bisang sumubuk king makanining industriya.

Controlling Domain (CD)

Keni ya salunan ing Kapampangan dapot atin kareni aluban/aluluban na ne mu rin ning Amanung Sisuan. Miyayaliwa ing kabilian king pamanibala. Potang mipanalamitam la ring opisyalis tamu, nanu ing amanung gagamitan da? Ding aliwang municipality, pelalu na ring king mauli, Kapampangan ing gagamitan da. Ding king pangulu, e ku mu balu. Ing ababalitan ku, Tagalug at Ingglis ing kakaibugnan dang gamitan parati.

Karing korti tamu, nanu ing amanu? E ku pa asubukan manalbe king metung a hearing inya e ku asabi. Dapot nung ali Kapampangan ing gagamitan da, bawas na naman ini para king intellectualization ning Kapampangan. Ding ordinance tamu, Ingglis la pilmi mu rin. Atin tamung Kapampangan a likas ding kekatamung batas at ning Konstitusyun? Ala pa siguru.

King pamagaral, mítauli ne mu rin ing amanu tamu. Ditak la mu ring iskuelang gagamit kaniti bilang medium ning pamanuru. Ding textbook da, pilmi kung nung e la makasulat king Ingglis, makasulat la king Tagalug (a yausan dang Filipino). At siempre, king sekondarya at kolehiyu, malati ing tiansang mayari kang Kapampangan mu ing gagamitan mu.

Kapilan kaya malyari king mabilug a balen ing gagawan ning iskuelang Filbern? Para akua ing amanuan ku, panintunan ye ing “Filbern School Demo” king YouTube at alben ing metung a alimbawa ning pamanggamit Kapampangan kilub ning silid-iskuela.

Maluat pa bayu maging realistic ini uling bayu ya matanggap ing Kapampangan bilang amanu ning kabiasnan pang-iskuela, kailangan apakibatan la ring kutang a anti kareni: agyu tamung sumulat salese tungkul king Pisika at Biology? Agyu tamung gawang thesis a Kapampangan ing salita? Nung ing Tagalug mu e na pa agyu, itamu pa kaya? Nanu ing dapat gawan?

Ing kailangan malyari kanyan, manyampukaki la ring Kapampangan (a biasang mangapampangan) a pantas karing miyayaliwang parang ning kabiasnan. Ing malilyari ngeni kasi, ring Kapampangan a maging pantas karing matas a kabiasnan, ala lang pamagmasabal king Amanung Sisuan inya papaburen da ne mu ini. Ali de darala ing Kapampangan ibat karing NCD pababo karing CD. Kapampangan la pin gagamitan king bale, oneng kalual, lumipat nong Ingglis o Tagalug.

Sana e makanita angga-angga. Nung ing tenakan ning metung a Kapampangan king, alimbawa, Political Science o Anthropology, kayari na keta, dapat subuknan nang ilikas ing abalu na king Kapampangan, nung págmasusian ne pin tutu ing amanu nang dinoduan.

King obra naman, iya mu naman ing kutang: nanu ing amanung gagamitan? King call center? King banku? Karing pipanganan? Karing hotel? Potang sinabing amanu king obra, e na buring sabian nini ing nung nanu ing gagamitan a amanu potang kasabi me ing kaopisina mu tungkul king tsismis o nanunanung bageng alang ugne king obra yu. Ing pisasabian keni nung ding transaction king obra king Kapampangan la masasambitla. Nung ali, bawas ne naman ita king intellectualization ning amanu tamu.

King IT, palak yang salunan ing Kapampangan, kawangis ding aliwang salita keti Pilipinas. King pangmaldang pamipangamanu (dyaryu, pelikula, TV, radyu, at new media kalupa ning Internet at cellphone), aluluban ta’lang bagya-bagya dapot kalupa ning sinabi ku king babo, kailangan tamung facility, suporta ibat karing memalen, at kapitalistang mabisang magpalabung kareni.

Karing keganaganang CD, king literatura tamu pa mu siguru peka-intellectualized uling atin tamung respetadung katawan at kasalesayan ning literatura, pelalu na retang kinudta da ring rebolusyonaryu at komunista. Ing problema, ditak mu karing bayung henerasyun ing mikibalu kareni uling, mumuna, e ra no man tuturu karing iskuela; kadua, alang makaying malyaring básan at pikuanan kopya karing obra da ring minuna tamung talasulat kalupa da ri Juan Crisostomo Soto, Jose Gallardo, at Aurelio Tolentino; at katlu, e la saneng mámásang Kapampangan ding ának.

Atin mu rin problema kilub ning sirkulu ring talasulat. Mumuna, ing susulat da, tungkul nanu at nanu kalidad? Arapat da kayang ituag ya ing maralas dang sasabian dikil king kepuntalan ning pamanyulat Kapampangan, “pane na la mung manyungkit batuin”? Ketang meganap a Kapampangan Writers’ Congress king University of the Philippines Clark, míbuklat ing isyu dikil king matua at bayung poesya. Ding poesya kanita, susulat da la para igale king arap ning publiku anti mo potang piesta. Ita siguru ing meging sangkan o’t ing meging focus da ring minunang talasulat ing santing ning amanu. Ding bayu at anak a watas, kukudta lang poesya ali para galen, nune para básan ding tau king pribadu rang oras. At uli na nita, e ra dirian makaying focus ing santing ning pangabalangkas ding salita; ing dirian dang focus ing laman ning obra, ing kayang yausan dang “wit.”

Metung pang problemang kailangan arapan ing bala mu pangapekat ning Kapampangan king kawatasan. Ing literatura dakal ya sanga. Maliban king poesya (nung nu karin la makapalalam ding kuriru at bugtung), ati lu naman ding makuyad a salese, kuentung pang-anak, sarsuela, at ding nobela. Ngana ping Prof. Romeo Dizon ning UP Clark, ing nobela ing pekamatas a sukaran ning kakatasan ning makasulat a literatura ning metung a balen. Atin tamung nobelang Kapampangan oneng ali la kanu akumpara karing “classics” anti mo Noli Me Tangere nang Jose Rizal, at paniwalan ku ita.

King panlawe ku mu rin, kailangan nang lumual ning Kapampangan karing parang ding komiks, dramang pangradyu, dramang pang-TV, libru, graphic novel, makabayung sarsuela (ganap at makuyad), pelikula (digital at film), makabayung musika, at aliwa pa. Magbalik na ku na naman king pamanyabing kailangan la ring kapitalista, facility, at suporta ibat karing memalen para aganap la reni.

Susug kanini, deni ring dapat dian dang pansin ding bisang manyalba king amanung Kapampangan. Ala mu rin kasing silbi nung sulat ta’nang sulat kayi e no man biasang mamása ring keraklan karing kayanakan ngeni. Ing Kapampangan ngeni, tanggapan tamu, bala mu mapait yang panulung masákit payalduk karing tau. Anti mo karing malating ának, dapat ta’yang ibalut king mayumung sarap ing amanung Kapampangan bang abata reng akmulan ini. King amanu, ing mayumung ini ila pin ding audio-visual a bage. Kailangan ábayan de ring visual images at/o lawiwi ing sulat Kapampangan bang mas kapakanpakan ya karing maluat nang e mámása at mákaramdam Kapampangan. Ilage ta’la ring storybook, ding komiks, ding cartoon a makasiwala king Kapampangan, ding sarsuela at aliwa pang programang malyaring paniglon da ring dalaga, baintau, at ának a malati. Marakal paralan.

Ngeni, king lebel ning meto yatu, kilala de ing Kapampangan? Ali de, uling makapalalam tamu king Pilipinas at ing akakit da mu kekatamu paraparang Pilipinu, nune Tagalug. Keni mu pin bansa tamu, mámagkasakit tamu king panlub king eksenang pambansa, kilual na pa kaya? Atin ta’nang apasikat a bayung Kapampangan a kanta mabilug a bansa kalupa ning “Charing” ning metung a Dabawenyung banda? Atin Kapampangan category king Palanca Awards for Literature?

Mayap pa king pelikula, atin na. Dapot malyari ya pang pasiknangan ing “presence” ning Kapampangan kilual Pilipinas karing Internation Film Festival. Keni, maragul ne ayambag i Brillante Mendoza (direktor a tubung San Fernando) uling adua karing pelikula nang tinanggap marakal galal (‘Masahista,’ ‘Kaleldo’) karing miyayaliwang bansa, dudurut la king kultura at kabilian ning Kapampangan at marakal lang linya ring makayamanu king Kapampangan.

Ati yu ing Kapampangan king The Filipino Channel (TFC) king Amerika? Ala yu. Mituturu ya ing Kapampangan karing aliwang bansa kalupa ning Tagalug at Iluku? Ali ya.

Keni ya lulub ulaga ing Internet, uling ing Internet malyari deng lawen ding tau king mabilug a yatu. Dapot makanita man, alang Kapampangan a Google. Atin Kapampangan a Wikipedia oneng limitadu mu ing kayang laman at problema ing kayalan dang tenakan king pamamásang Kapampangan ding tau. Karing “Audibles” ning Yahoo! Messenger (YM), ala yu ing Kapampangan keta. Tagalug at Taglish la ngan. Mayap pa ing bansang India, marakal karing amanu na ing atin nang Audibles king YM.

Sepu

Marakal pa dapat lakbangan bang a-intellectualize ta’ya ing Amanung Sisuan. Lulto na makasalale ya ini e mu karing talasulat, nune pati karing mágnegosyu, karing mánibala, at karing matenakan. Lalkas mu rin ing ulaga ning kasaplalan ning balen, uling kailangan ing salapi bang makapatalakad facility a pansuporta king Kapampangan at bang mika-“purchasing power” la ring memalen para saliwan la ring Kapampangan a lelangan.

Dapot e tamu kakalinguan ing pekamaulagang bageng dapat atiu kekatamu: lugud king Amanung Sisuan. Ali porke mágsalita kang Kapampangan king bale kaluguran mu ne ini. Dapat ituki me king labuad ning propesyun, pamanibala, at aliwa pang matas a bage ing Kapampangan nung kaluguran me, uling karin makasalale ing e na pangamate ning amanu tamu. E itang king Tagalug at Ingglis na ka mu pulus mánambag kabiasnan. Kapampangan ka pa mong metagurian.
E tamu mu rin dapat mamarokan ing gagawan yang panakitan ing kultura at amanu. Ustung atin tamung akakuang abli karing gagawan tamung panyuporta king Kapampangan, masanting ita uling darakal tamu kapital para gawa pang mas dakal at mas masanting a obrang Kapampangan, anti mo libru, sarsuela, at pelikula.

At saka nung ing metung a simpling tau king siudad ala ne man akuang makasaup king biye na king kayang pamanggusal para king Kapampangan, nanan ne pang dian pansin ini? Inya pin dakal bisang manigaral Ingglis uling atin obra keta e.

Tandanan da sa ring aliwang tau: ing amanu king panaun ngeni (at siguru ngean), e ya mu paralan king pamisabi. Metung ne mu ring “cultural heritage” at “ethnic symbol” ini nung nu karin malyari lang kumang sikanan lub at yabang ding Kapampangan. Nung ing metung a amanu mababa ya king lawe da ring mismung taung sususu kaya, buring sabian sugatan ya kaladua ing balen, at kailangan yang uluan. Nung ding ayup Candaba sosopan ta’la, ding matuang bale e ta’la papabusten, at ding parul pagselebran ta’la kada-Disyembri, bakit mo ing amanu tamu papaburen ta’ya mung makanini king matua ya pa ini king pangatalakad ning Pilipinas bilang metung a bansa?

Pánagimpan kung datang ing aldo nung nu ing Kapampangan ali ya mu Amanung Sisuan, nune Amanung Sususuan at Amanung Susuan ya mu rin.

Miluid ya sa ing Kapampangan!

Pamangampanya Nang Roy Hermosa

2008-01-12T03:15:00.000-08:00

Roy Hermosa's Campaign. Am I imagining these things or are such strategies really employed in campaigns?

Nung atin dapat dian imalan karela
Imalan a sasabing "Vote Roy Hermosa!"
Iya pin ing malagung anak dang dalaga
Lagyu na pa mu sexy ne... Priscilla

Saktu no man ding makasulat king salu
Nang Priscilla Gatbonton a sobrang lagu
Ing balang lumawe king keang susu
Abalu na nung ninu'ng keang ibotu

Eran

2008-01-10T16:01:00.000-08:00

Ladder. This poem shows a chain of perceived oppression from the child to the mother, from the mother to her husband, from the male laborer to the capitalist, from the capitalist to the government. It tries to show that inequality can be in a way tolerated if appreciation is present from those in the upper world of each level.

Anak king Indu

Ali porke matua ka
Ika kakung pamintuan
E ku pu rugu inyad
Ining kakung kebaitan

Mas dakal ku akakua
Kingsa king abibiye ku
Kekayung aduang Ibpa
Nanu’ng akarapat ku

Makantini yeng lawen:
Wa, pákandung ku pa pu
Dapot ing biye ning balen
Yang kaku pung susundu

Indu king Asawa

E porke mágobra ka
Aku kekang tatalnan
Sesesen ke’ing anak ta
Kabang ati ka kilual

Nu da ku pulutan, Deng
Nung pera e mu ku dian
Uling obrang pambale
Mu ing kakung kagiwan

Makantining isipan:
Dedependi ku keka
‘Pot ing kekang piulian
Sesesen alang bayad

Asawang Lalaki king Amu

Ali porke keka ku
Aldawan mánintunan
Luran mu’ing pangatau
Bang ‘tin ku mung ipakan

Aruy, matdas ku busal
Nung sipan yu ku rugu
Ala ku pang kapital
Mibait ku’ng kalulu

Makantini mung baluan:
Keka ku mángabiyayan
‘Neng abli mu daratang
Ibat king kekeng pagal

Amu king Kapanibalan

Keko pin ing upaya
Agyu yu kung ‘papate
Ita ‘stung kekong gewa
Dakal mágobrang mate

Nung ining telakad ku
Ali yu ne suportan
‘Sara ku nea’ siguru
Iko karelang dalian

Makantini na mu pu:
Iko’ing pekamasikan
‘Pot tau, misasadsad
Uling kakung susuelduan

Ing Istorya Ning Panyulung

2008-01-06T00:42:00.000-08:00

The Tale of Progress. This is a poetic story about the life of a proletariat dreaming of putting up his/her own business. However, the social class that he/she was born into will be his/her greatest obstruction in achieving his/her simple business dream.

Ketang puestung babarilan ning iskuela
Karin patalakad ing pánagimpan na
Pisaliwan gamit, computer pan-DOTA
Komiks ampong magasin kayabe la pa
Ding kayang dingding dapat kule lang berdi
Nganang Madam Rosa, pampalub salapi
Dian lang diskuentu ring anggang istudyanti
Patye marakal pa king gastus ing abli

Lagyu ning negosyu, saguling tandanan
Signboard kilual king malaut abatiawan
Aircon kilub bang e naman malisangan
Dapot potang marimla e dapat sindian
Alas sais pa dapat makabuklat ne
Para karetang alang papil king bale
At ding pá-Xerox lisyun keta no ume
Ing paris a mágbante, wa, magsilbi ne

Kalual da ring ának pilming danupan la
O nu'mong mamisali ya pang tsitsirya
'Tang kayi panyangkap la pang lemonada
Siguraduan ing abli 'buski pa mura
Alas sieti ning bengi, oras nang manyara
Bagutan ngan ding pákasumpal keta
Kandaduan masalese ing pasbul; Pota
Luban de ring mángua karing e karela

Ini ing negosyung kayang pánagimpan
Bayu asulung, kapital ing kailangan
Tuneng mal ya upa'ing puestung pángarapan
Abayad na ne man kayâ bulan-bulan
King ngeni angga ne pa mung sulyap-sulyap
Ketang labuad nang tatanaman pangarap
Dálan tagumpe, lalabugan ning ulap
Siguru e makataganang maganap

Kabang alang kapital ing na mung gawan
King negosyu ring aliwa manintunan
King balang sueldu, ing sikapat tipunan
'Gang dagul ing kapital a palabungnan
Uling alang banding pueding pangabiyayan
Ing pakinabangnan pa mu ing tenakan
E ya yari oneng biasa king Ingglisan
King Clark ne pa mu manintun apagobran

Ing Bangkeru

2007-12-29T07:30:00.000-08:00

The Boatman. This is a short film script of an anonymous Kapampangan ballad of the same title. A friend and I want to transform it into a short film and so I adapted the story and wrote it for the screen. Not exactly like the original poem.

1. EXT. PAMPANG. GATPANAPUN.

Pakit ing “La Pampanga, 1650” king lalam para apabalu ing panaun a pigagalon ning istorya.

Makatalakad ya king pampang ning ilug ing metung a baintaung makagayak anting ISTUDYANTI. Keta nung nu ya makatikdo, tayimik—ing damdaman mu ing pamanagus ning danum king lele at ing lawiswis a babait da ring bulung ustung matatagkil lang angin. (King eksenang ini la pakit ding lagyu da ring sablang lage, manibala, at manigobra king pelikula.)

Batyawan ne ning istudyanti ing malaut a dake ning wawa. Bagya na na mu kapad ing datang ne sa ing kayang maluat nang panenayan. Oneng ala yu pa, inya diklut na ne mu ing panoras na ibat king kayang bulsa at ikit nang lampas nang alas tres. E na na abata ing kaluatan. Para ilual ing sora na at siran ing silensyu, inatu na ne itang metung a TAU KING PAMPANG a tayimik mung lalangut luyus. Wangis yang manasan.

ISTUDYANTI
(Pasaingsing)
Koya, ante itang bangka?

Inapsa na pa mu nitang tau ing lalangutan na bayu ya mekibat.

TAU KING PAMPANG
Paratang ne kanyan.

ISTUDYANTI
(Pasitsit para e na damdaman nitang tau)
Manibat nandin iyan na ing sasabian yu.

TAU KING PAMPANG
Nu ka wari ibat kanyan?

ISTUDYANTI
(E lalawe king pakisabian)
Menila.

TAU KING PAMPANG
A, magaral ka, ne? Nanung iskuela?

ISTUDYANTI
Santo Tomas.

TAU KING PAMPANG
Awa. Atin mu ring sinake keni misan, ka-unipormi me. Santo Tomas ya mu rin.

E ne bisang makipagkuentu pa ing ISTUDYANTI. Ing buri na na mu, datang ne ing bangkang panenayan na manibat nandin. King pali ning aldo, mipalukluk ya ing ISTUDYANTI at saka ya migtakap lupa. Pangapenandit, yinaus ne nitang TAU KING PAMPANG.

TAU KING PAMPANG
O, oyan na pala. Magbanda na ka keni ban na kang milako.

Linawe ya ing istudyanti at ikit ne ing paratang a BANGKERUNG mamagse; anak ya pa mu kumpara king TAU KING PAMPANG; bala mu kapara ne mu idad ing ISTUDYANTI. Itang TAU KING PAMPANG, sinopan ne king pamanggarahi ing BANGKERU.

Malagua’t salita, tinalakad ya ing ISTUDYANTI at saka no pengaladkad ding kayang karga para ilulan king saken. Kabang pupuestu ya king bangka ing ISTUDYANTI, mipangamanu la pa mu retang adua.

TAU KING PAMPANG
O’t kalambat mo? Menikal ne rugu bitis ing kekang pasayeru.

BANGKERU
Ikit yu no man ding seke ku nandin, kabaragbag la. Saka la nanunanu pa darala.

Para pataran ing pamipangamanu da ring adua, pinilit nang maglual salita ning ISTUDYANTI.

ISTUDYANTI
Mamayad ku karas sumangid.

BANGKERU
Sigi pu.
(King TAU KING PAMPANG)
Muna na ku.

Linual ne ning ISTUDYANTI ing payung na at lidlad bilang kalasag king mapamarusang lablab ning aldo.

2. EXT. LIBUTAD ILUG. GATPANAPUN.

Kabang mamangka ya ing BANGKERU ila ning ISTUDYANTI, alang kainge-inge king paligid nung e mu pasibayu king alun ning danum at mainang pasyuk da ring mangatiupan a tanaman. Ing bukud mung miragdag ing inge ning pamamagse ning BANGKERU.

E la mipaglalawe ring aduang makasake king bangka. Ing ISTUDYANTI, bista man makapalalam ya king payung, makasuliap ya king wanan king karelang daralanan a bala mu ating buring dakpan king gulut da ring tanaman. Itang BANGKERU naman, miyayaliwa ya direksyun arapan. Kabirabira, ayisipan neng sulilapan ing kayang pasaheru. Mipaitagun naman, ita mu rin ing ayisipan nang daptan ning ISTUDYANTI. Inyang misagana la panlawe, tambing lang linawe king aliwang direksyun anti mong alang milyari.

Mesuya ya ing ISTUDYANTI king “alang kabiye-biye” a paligid a panalben na inya sibukan neng idayu saguli ibat king kayang babo ing payung na at saka ya linawe king banua. Kaibat ning penandit, atin yang biglang aganaka at sibli ne ing payung na king babo na. Tiniman yang bagya king kayang ayisip at inatu ne ing BANGKERU.

ISTUDYANTI
Oy.

Marine yang linawe ing BANGKERU king ISTUDYANTI.

BANGKERU
Nanu pu?

ISTUDYANTI
Ustan mu ing anti kanini: ding Angeles banua, pilan la tang korus? Ding santu at santa, pilan no man tapuk?

Mipamulala ya ing BANGKERU.

ISTUDYANTI
Dimdam mu?

BANGKERU
Pagdamutan yu pu sana ing ipakibat ku... E ku pu kasi ibat banua inya e ko pa abilang ding amanuan yu. Bagse ampong atkan la mu ring akaragulan ku.

INSTUDYANTI
(Mayabang, anti mong metula king kalulung kagiwan ning kasabi)
Hmp.

Anting migtagumpe king malating kasapakatan bang mipakarine ya ing BANGKERU, linawe neng pasibayu ing ISTUDYANTI king aliwang direksyun. Ita namang BANGKERU, king pasaheru ya pa mu rin makalawe. Apansinan na ing kakatasan nang lub ning ISTUDYANTI uli mong megaral ya Menila, inya sibukan neng pasulitan.

BANGKERU
Malyari da ko pung kutnan?

Mipalawe ya ing ISTUDYANTI. E ya mekibat oneng lalkas king lupa na ing pamanangu.

BANGKERU
Mababa ku mu pu kabiasnan e wangis yung metung a Pilosopu a Menila lulub...
(Penandit)
...Oneng kutnan da kayu: manibat keti angga king sadsaran, pilan pa pu kayang waswas karening bagse ku ing kailangan?
(Penandit)
At saka akakit yo pu reng bula a lulto king danum? Pilan la mo pung libu kada-waswas ku?

Kinarug ya ing ISTUDYANTI king kutang. Atin yang buring ipakibat, oneng mag-alangan ya.

BANGKERU
Dimdam yu pu?

Kayari ning penandit, ikua nang mekapagsalita ning ibat Menila.

ISTUDYANTI
(Maina at mababa kumpyansa)
E ku balu.

BANGKERU
(Manlukaming bagya)
Ah... wasiwas da mu pu ring bagse ku e yu abilang, ding Angeles banua pa kaya? Menik na ko pu wari karin para bilangan la?

Pasimpli yang sinalikut king payung ing ISTUDYANTI. Pangabagya, miras no king darasan da. E ne maibug sara ning ISTUDYANTI ing payung na uling e ne buring pakit ing kayang lupa king BANGKERU inya memagkasakit ya king pamagdala karing karga na. Sinopan ne ning BANGKERU ing pasaheru king pamagdalipat ibat king bangka papunta king pampang. Inyang pilmi neng makagulut ing ISTUDYANTI, sera na ne ing payung na at saka ne sinulung. Oneng atin yang akalinguan.

BANGKERU
Ing bayad yu pu!

Mipatuknang ya ing ISTUDYANTI. Ala yang akarapat nung e arapan pasibayu ing BANGKERUNG megpababa king kayang matas a lub. Siningap ya pa mung angin bayu na depat ita.

KAYARIAN NING PRODUKSYUN

Bayung Bugtung I

2007-12-16T07:14:00.000-08:00

New Riddles I. This is a poem written in riddles style.

Papil a saguling mapirat
Alulan ing kekang utak
-Diploma

Amanu kung sasake pesus
Sakildap la at keka taglus
-Text Message

E wangis ning indu babayaran de
Ambuski magobra ya' rin king bale
-Kayabe

Agya'pang ala yang balu
Automatic ing respetu
-Matua

Karing anggang manatdak
Iya'ng magpabiye anak
-Butu

Agyu na kang atdasan baga kelambatan
Dapot ing gobyernu kaya mung papaburian
-Sigarilyu

Gatas ning baka ating presyu
Bakit ing kaya ala rugu
-Ima

Karing mabuktut gastus ya darala
Karing patakal, ay, gatus a pera
-Puki

Uling e da buring imasala kabang musmus ku
Alben ku no mu reni kabang magkulung king kuartu
-Bold

Meko ya rugung mamaung palis
Migbalik yang salaping dolyaris
-OFW

Kunyari tubu ka Amerika
Potang pakilala me ing kanta
-DJ king Radyung FM

Ini ing aldong panenayan ku
Pakibiye yu no ring aginaldu
-Pasku

Pakiapusan de ing Apung Ginu
Kabud na ka mu dapat tatangu
-Pengari

Sumap e ne balung gamitan Apu
Asalikut ding lubas a letratu
-Computer

'Ganaganang kakulangan ning tau
Iya ing pamansalanan da rugu
-Satanas

Kristiyanu 2007

2007-12-12T08:24:00.000-08:00

Christian 2007. Inspired by an academic paper titled Split-Level Christianity, the dissertation of which is that Filipino Christians live as if they are not Christians, albeit they claim to be faithful to their religion who never fail to be absent in Sunday masses.

Lunis, mikit kaming Arnold
Keta karela malbeng bold
Martis, puntalan i Badette
At mangopya kung assignment
Miyerkulis, e ka mánggulu
Mag-date kami ning tau ku
Webis, ume ku Trinoma
Kingsa lungub king iskuela
Biernis, dumalan ku Area
Manupa kung dalagita
Sabadu, oy, minum kata
Gisanan ing atlung kaha
Duminggu, 'gising maranun
Uling king misa tumagun

Urban Watas

2007-12-09T19:52:00.000-08:00

The Urban Poet. This poem of mine expresses my frustration over wanting to create literature amidst living busily in an urban community.

Kagising ku nandin dinaretsu na ku
King arap ning PC para gawang sulat
Pamanyawad pera karing king gobyernu
Para king proyektu ku Bunduk Arayat

Alang almusal sinakildap kung mengan
Pigpapak ku na mu ing piritung manuk
Apulung minutu para mangan pag’tuan
Limang segundu para’ing danum ayalduk

Ali na ku mipaling danum pandilu
Agyang sisigam ali na ku man lagnat
Tugtug, galunggung, sabun, ‘tang kayi gugu
Sumaka, miblas, kuanan ing bag, lumakad

Ay, nung ninuninu ring taung puntalan
Pak’sabian dikil miyayaliwang bage
Tau Mabalacat, ‘ninyeru Quebiaoan
Musikeru Kulia't ding keang kayabe

Sindi ku pa mung yosi, ‘gyang mapilan mu
Bang kumaba pasensiya (at kumuyad biye)
Mauo ku inya malduk ku saguling C2
Panga alas diyes, sigi, muli na bale

Bukas na mu miblas, panudtud malyari
Dilong imalan at makuyad a maung
Mápun ku’ng bagya kabang mánalbe TV
Ing usa, oyan, melaklak rugung leun!

Ibusni ing kompyuter, ing email lawan
Metung a lagyu Gmail, adua king Yahoo
‘Tang kayi MS Word naman ing pagtripan
Patdan ing TV, kailangan kung silensiyu

Nanu mo’ng mengapalyari king aldong iti
Naydana! Karakal, nu ku magumpisa
Sumulat ku sang kawatasan saguli
Oneng ing isip king pagal mapapata

Uling king siyudad karin mánuknangan
Mabilis ing biye, komusta ya’ing poeta
Nung magkulung mu king silid alang dasan
Ing watas a bisang lumalam poesya

Siwala Ning Magula

2007-12-05T06:16:00.000-08:00

Inyang misan a mine ya ing kaladua ku king lugal
Nung nu na ku sinese
Ning Indung kakung liguran tune
Ba't mispak ku salu
Menan'la ring tau

O ali ku na la pin man apakisabian ding anak a
Kakung kalupa daya
Dayang amana king Indu
Sabian yu
Nung kenu
Dapat ing disan ku

Ah... ah...
Kulait ning pusu:

Ba't ditak ditak metampus ing kakung layi
Namalyaring makatas
Nu na ka mengaparas
Ba't balang susun at buyun ning panaun
Mirayu lub king gabun
O Suku nanu'ng salun

A keti sulip misaluak
Karing anak
Karing anak

O't pebusten mu la ring kapatad
King kekatang labuad
Ninu pa'ing magmasabal
Ding kaladua ra inyang mete la
Nu la ngan mo minta
Ba't alang minukyat
King Alaya
King Alaya
Mengasamsam metung metung
'Gang meging maluka king sikanan

Ala na... ala na... ala na...
Ala na kung piulian
Ala na... ala na... ala na...
Ala na kung ulian a balayan

Kapatad
Nung mabiye ka pa rugu't
Atin pang sikanan
Salesen makiramdam
King kanakung anya'ran
Ume ka keni

Kapatad
Wa, ika na mu pin ing
Tauling tau keti yatu
Anti mu ne
Rugung pete'ing
Makarateng
Indu patie

Pepaburen meng saluna't mangaina
Dalasan, mapupupus ing biye

Sana Pogi Ku

2007-11-28T20:29:00.000-08:00

I Wish I Was Handsome. This is a Kapampangan translation of one of my younger articles in Peyups.com in my column 320/320 Vision. Originally it was in Tagalog and it became a hit to the visitors of the website. From this article, I became the so-called "voice of the insecure."

O Apung Ginu, tuknang na sa ing kaguluan kening Pilipinas. Ing ekonomiya e mu balu nung mibabatbat ya o mitatas, inya pángadi kung saplala na ing biye keni. At sana, beit na kung indu kung masanting a lalaki.

Ating mengutang dati kanakung babai nung ninu ing mas pogi. I Jerry Yan kanu o i never-gonna-stop-never-ever-stop-ain’t-gonna-give-you-up Vanness Wu? Pekibat ku mu, “Tabalu, e ku no man sikasu ring F4.” Makananu ke kayang pakibatan ita nung kelaman na kung kasantingan pangalalaki ning Mayupaya?

“Mas pogi ku,” ngaku siguru kanita.

Nung sinabi ku ita at ali na ku man masanting talaga, e di kekapalan ya pa kaku itang babai? Tsk. Kasákit ning e míbudburan kasantingan. O sumap atin na ku man bagyang laman utak. Ngara pin, nung atin kang kakulangan, kalaman na ka ning Apung Ginu king aliwang sumangid.

Sana pin. Nung matsura na ka, kayi ala ka pang balu, nu na ka mu daklutan?

Ibat inyang malati ku keta ra na ku man maralas papansinan talaga.

“Jason, kagaling mu naman.”
"Jason, kagaling mung manyulat."
"Jason, kagaling mung mag-drawing, pan-drawing na."

Tau ku mung anti yung mabuluk takla at manasakit buldit patie misasalsal. Buri ku ring damdaman karela, “Jason, kapogi mu! [Pakasalan mu ku, ngana!]”

O Apung Ginu, makanini wari tagana ing dinaun mung kalma kanaku?

O Atsing Vicky Morales ning Wish Ko Lang, buri ke sang saupan ing pisan kung mamrublema king kayang pamagaral uling istudyanti yang talapagobra. Sana mirian yang scholarship, agyang karing mung murang computer school. Kayi pakisingit mu ne mu rin ing kanakung anyawad—sana pogi ku.

Itang kaklasi ku inyang high school, adedeklara nang pogi ya, inya naman atne yabang datang. Makasnuk. Itang bala mu buri meng sagapan buntuk at ikutkut mabiye.

Dapot sana pin meging kung masanting a lalaki anti iya. O kaya mas masanting pa kaya. E ne pin manaduang isip nung mamanagkas ya ing babaing kasabi na kagulut na o nung ali. Nung atin mang masorang dalaga kaya’t mesabianan yang “Ka-feeling mu,” ba, tambing neng ating kalasag.

“At least pogi ku.”

Masanting ya wari talaga? No comment. Basta ing buri ku, aku masanting ku! Maragul waring bage ita? Pangaku, e ku magmayabang kalupa na nitang diablus kung kaklasi... oneng malyari mu rin. Nung makulami la man kaku king kakung kasantingan, ati yu pa naman ing kakung utak kanita. Agyang ali ku Valedictorian, atin na ku man sigurung agyu agyang pakananu. Mányambut ku pa karing ligligan spelling.

Oyni na naman! Mánintun na ku na namang sangkan bang apagmaragul ke ing kanakung sarili. Nung pogi ku mung mibait, kuntentu na ku sana at ala na kung marakal pang tagulele dikil king biye. E ka mate?

Kong Willie, nung pabiyayan me sang pasibayu ing palage mung “Willingly Yours” king Channel 2, atin ku sanang anyawaran. I Atsing Vicky kasi e na ku sikasu. Sana mikasarili yang video camera itang metung kung kaluguran kasi ilig na ing gagawang pelikula. Nung abiye me kaya ita, pilmi yang makayampang para king ikasaplala ning Indung Kapampangan. Ampong sana, pogi ku.

Itang pamate babai at bakla? Itang dakal mágnasa keka? Itang bagya na mu buri ra na kang korneran king suluk bang molestiyan? Itang mákanikua kang mangatas a gradu potang type na ka ning talaturu? Itang bala mu ábangan da kang aldawan bang makumpletu ing karelang aldo? Itang dumalan ka mu misan mámaglandi no ring bábai? Itang parati ra kang laman ning karelang balatbat? Itang ala kang kamarinayan makipag-eyeball o makipag-blind date? Itang maibug da na kang gamitanan gayuma? Itang pang-showbiz?

Alti! Nanu ing malilyari kanaku? Pulus na ku mung sana, sana, sana. Deliryu na ini. Balu ku naman e nu agyung biye Kong Willie ita. Agyang i Atsing Vicky. Agyang ing Ibpa tamung atiu banua.

Oneng sana talaga pogi ku. Dakal perks. Barilan yu na ku, makulit kung tau.

Ding aliwang babai karing ligligan lagu, plastic la. Kesyo mas pilian da kanu ing kabiasnan kingsa king lagu. Aruy! Kabiasnan me i apu mu. Buring buri ra naman ing mangatimyas la agyang ing Ingglis da malyari nang pamulis mengasabeng imi. Idol ke pin itang metung a kandidatu; ing pekibat na, lagu, kasi kanu ing kabiasnan malyari meng akua king kasipagan. E ya ustu kanita?

Deta kayang poging ali makaying babatak king pamagaral? Siguru ing buri ra naman biasa la. O, bisa kong makipangalakal? Ali na. Magsilbi pa sana nung inyang malati ku pa, kasi pin, ing kabiasnan, bala mu kamuti yang alalaput iyan, basta balu mu nung nu karing gabun.

O makananu no man ding artistang mangasanting na agyang kabolangan ing pamakit da king TV sasaluk lang pera king showbiz? Tsk. E talaga pátas ing biye. Ding aliwang tomboy king Nepo Mall na ating kayabeng bábai, mas pogi la pa!

Aaaay... Dapat siguru makuntentu na ku. Matua neng pilosopiya ini oneng iyamanu ke pa mu rin: nung alang taung matsura, alang taung masanting. Iyan ing pamipatuasan ning biye. Tandanan yu anggang mikutkut kayu't lumayag la ring kekong kaladua pataglus banua.

Oyni na ku na naman! Mánintun pampaliwalas pilubluban.

Sigi na pin. Ipangadi ku na mu na sana tuknang na ing salangan king Mindanao, at sana ring keganaganang pate keti yatu, lalu na patie tungkul king balas, mangalaso na.

At sana, pogi ku.

Ysagani Ybarra, binasa ne ing poesya ku

2007-11-28T19:34:00.001-08:00

Binasa ne ning sikat a Kapampangan a maglalang ing metung karing kanakung kawatasan a mikititulung Laut Ning Pluto King Yatu king radyu king palageng 10K nang Cecil Yumul.

I Ysagani "Yatu" Ybarra na tau Mabalacat, iya pin ing sinulat ketang pepasikat nang kanta ning bandang Tropical Depression, ing Bilog Na Naman Ang Buwan. Manatili ya king Pampanga anggang Disyembri.

Anak Ning Kapri

2007-11-20T20:36:00.000-08:00

Spawn Of The Kapri. This is a trailer of the short digital film I made last year. It's the story of a child whose reputation in society is that he is the son of a supernatural creature called the kapri (tree-dwelling ogre-like elemental).

Makananu yang sagipan ing Amanung Kapampangan king Literatura?

2007-11-19T22:26:00.000-08:00

This is an essay I wrote before unsubscribing from the Academia ning Amanung Sisuan International (ANASI) e-group. A philosophical, non-pornographic poem of mine called Bulbulan Na Ka Butu (Your Dick's Got Hair Already) offended many traditional poets and called my poetry immoral, disrespectful, and wrong, and that the Kapampangan language should never be in my hands, all because I used words such as butu (penis) and bulbulan (with pubic hair). Since my beliefs no longer match theirs, I posted these final words and left the group.

Inya e ya sasaplala ing Kapampangan king literatura -- ngana nitang mestrang rerespetuan ku e uling matua ne nune uling matas ya kabiasnan -- uling kulang la laman kabiasnan ding mamaglual a produktu, at pidalan-dalan da na mu ring keraklan karing susulat king santing ning pamangamit amanu.

E ra maibug isipan na ing pamandapat kalalangan, ala yang kaladua nung gewa de mu king kilub ding karelang silid, amanu na ping Vicente Manansala.

Ing kalalangan iya ing sepu ning pamanaruk ning maglalang king kayang paligid, king ketawan, king biye na at biye ring aliwa.

Adua ya dalan ing makanitang klasing máglalang:

1) Máglalang yang kakatakan dikil king apagmanan-manan na (critical art; alimbawa: Noli Me Tangere);

2) Mambait yang kalalangan a e daretsung manisti king salun ning sosyedad oneng akit king laman ning dapat na na atin yang ali áyunan king mimiral a batas king lipunan (post-modern art; alimbawa: ing pelikulang Ang Pagdadala Ni Maximo Oliveros nung nu bakla yang makapiblas babai ing bida dapot ni misan ala lang binggit king pelikula na pagtisti de i Maximu uling bakla ya)

Ngeni, ing masanting a kutang: nanu ing dapat gawan bang apalagu ta'ya pa ing Amanung Kapampangan?

Ing pakibat ku: Dibersidad at Intelektualisasyun.

Dibersidad

Miyayaliwang istilu, miyayaliwang taram, dikil miyayaliwang bage, miyayaliwang sukad, miyayaliwang lasa, para karing miyayaliwang tau king metu yatu.

King kanakung pamanigaral, apagumasdan ku na asukad me ing kagiwan ning metung a bage king nung agyu nang tálan dibersidad o ali. Ing Pilipinas karin mu akit na e ya pa makanita kasaplala, uling e ne agyung talnan masalese ing pamiyaliwa da ring etnulingwistikung
grupu.

Ing pagkalungkutan ku karing aptas a sasagip king Kapampangan, lalu na king parang ning
pamangawang poesya, e yu buri ing dibersidad. Buri yu atin mung metung a istilu at pamanlalawe a dapat tukian ding anggang susulat.

Atin pa ping sinabi, ot paburian de kanu king gamat ku ing Amanung Kapampangan, king gagamit kung "bastus" a salita (at uli na kanu nita, e ya ustu) king poesyang Kapampangan?

Ay Dios ku naman, aku mu wari ing susulat Kapampangan? Nung ating susulat konserbatibu, ating susulat a liberal. Kapilan ko sebianan ding konserbatibu na patugutan da king pamamoesya ra ing konserbatibung sarap?

Dapot king poesya ku, pengayi ra ku rugu. Pipigilan da ku. Lilimitan da ku pa king Rotarian ethics na, at e ku maibug ataruk ot e da akua na miyayaliwa la pamanlalawe ring tau.

Intelektualisasyun

Bayu ya maging intelektual ing poesya, dapat maging intelektual ya ing talasulat. Ing pamaging intelektual, nu ya akakua? King pamanalbe TV? King pamamasang libru? King pamagdependi king Biblia? King sasabian da ring makatua?

Ing pakibat: Akakua ya ngan kareni. King katutuan, akakua ing kabiasnan ambuski nu karin, basta agyu mu mung ibalangkas king isip mung salese, e itang salbag salbag. At ing mensayi ning "Bulbulan Na Ka Butu," e ka máging loru a mamasibayu mu king sasabian da ring aliwa.

Madagul na ka, misip ka king sarili mu.

E na kabaldugan ini ing isara me ing kekang isip; babaldug ya ining e ka mu kabud tatanggap amanu ring aliwa.

Sigi, pakiramdaman mo ngan; sigi, basan mo ngan ding libru; sigi, alben mo ngan ding palage; sigi, pakisabian mo ngan ding tau, ibat karing maluka angga karing pakalukluk king kapanibalan.

Kaibat mung gewa ita (o kabang gagawan mu ita), pisalangsalang mo ngan king isip mu. King amanu ning pilosopung Friedrich Hegel, pilabanlaban mo ring thesis at antithesis. Lumual ka king dalan at ika ing manyulit, ika ing manyubuk, ika ing manintun nung sanu ing pekamalapit
king katutuan.

King madayang prosesung ita, ating lumual a synthesis a resulta ning kekang malalam at masangkang pamanisip. At ita sa ing kekang tukian.

E me paniwalan ing Apung Ginu nung maniwala kang alang mabayat a sangkan. Lumual ka at misip, manigaral, at isip isipan mu pin nung atin ping Apung Ginu, nung nanu ya ing Apung Ginu, nung ninu ing Apung Ginu.

Aku mismu dinálan ku pa mu king migit atlung banuang ateyismu; memasa, minisip, menigaral ku bang akit ku para king sarili ku -- e itang sinabi da mu ring pengari o pari o ning Bibliya o ning paboritu mung artista -- nung atin ping Apung Ginu, nung ninu ya, nung ninu aku kaya, at nanu pang sabla.

Ing resulta: maniwala na ku ngeni na atin ping Dios, at págmaragul kung maniwala ku ali pauli ning ausan dang faith, nune reason. Ing malinong sangkan iya pin ing simbul ning pamanaruk. Ing amanuan na nita, minisip ka king sarili at sinlag ya ing aldo king isip mu anting Buddha.

Ngeni, pasibayu, makananu ta yang asagip ing Amanung Sisuan?

Tutung ita ngan ing nasa tamung dasan. Dapot karing mengalabas a aldo, ikit ku na dapot metung ya mung pulu' ing mamatan tamung ayan, e tamu parapara king paralan nung makananu tamung magtagumpe king kekatamung nasa.

Ating bisang magbangka, ating bisang dumalan alapaap, ating bisang kawe, ating makisake mu karing bangka ring aliwa, ating bisang manenaya na mu anggang ating dumakit karela, at nanu pa.

Aganaka ke pin itang metung a dake ning mumuna kung sarsuela king UP Diliman, ing Donated By Charo Cuneta.

"Solusyon, solusyon, lahat na lang ng tao may solusyon
Ang tanong, ang tanong, alin sa mga iyon ang tugon?"

Ing pakibat ku keta nung makantita ing realidad, saglulu ta na mu. Healthy competition. Ing resulta iya ing maging ukum nung kenu paralan pin ing pekamatimyas.

King pamanyagip Amanung Kapampangan, nanu ing pulung dapat adalpakan kelambatan? Ing pamanyambut Ligligan Poesya? Ing maging yang pambansang amanu ing Kapampangan? Ing mangabilianan la ring mangamit Ingglis at Tagalug king labuad Kapampangan?

Ing pakibat ku: dapat atanam ta ya ing Kapampangan karing pusu at isip ding taung Kapampangan, maluka man o makualta, konserbatibu man o liberal, Iglesia man o Ang Dating Daan, babai man o lalaki, bakla man o tomboy, anak at matua -- dibersidad.

At uling ikit ku king mengalabas a aldo na bala mu ali ku bage king mimiral a bangka ring keraklan karing mangatuang talasulat, kuldas na ku pa mu. Manalaksan ku pa mu ketang kakewan at gawang sarili kung bangka.

Sabage, masanting mu rin ing dakal a bangka; nung lumbug ya ing metung, atin pang mabiye king sumangid. Dibersidad pa rin tagana.

Miyikitikit ta na mu pu ketang pulu'.

Ket Na Ning Asu

2007-11-19T17:55:00.000-08:00

Bite Of A Dog. This poem illustrates how young girls are sexually taken advantage of due to their sexual ignorance as reinforced by the social institutions, especially the family.

Dona, alang balu
King yatu, king yatu
Meniglo king asu
King banyu, king banyu

Dona, sasakildap
Sulilap sulilap
Kilub na ning ulap
Bala na paninap

Dona, pakasáya
Kitnan ing indu na
Nung nanu’ng ikit na
King banyu ra keta

Dona, miglarawan
King asulilapan
Lalawit palalam
Tatalakad misan

Dona, abalu na
Ing abatiawan na
Ngana ning indu na
Siguru asu ya

Dona, mitutundu
Migkera king kuartu
Linub ya ing asu
Kinet ne king salu

Dona, pakakera
E makasiwala
Mituluanan wawa
Ala neng agawa

Dona, pangayabak
E man minyukle buak
Lupang mengawakwak
Salbag salbag utak

Dona, míkabalu
King yatu, king yatu
Keplasan ya kanu
King ket na ning asu

Karing Bungang Pasukú Na Lulut

2007-11-18T00:53:00.000-08:00

For Fruits About To Reach The Peak Of Ripeness. This poem shows how the academic institution prevents change in society, for it is merely a training ground for young ones to know how to survive, tolerate, and perpetuate the present conditions of the world. In short, formal education reproduces and preserves society.

Metung na’ palang banua mayari na ka
Pengari mu, mamaglundag king ligaya
Gayakan da na kang telamariposa
Uling súlagpo na ka king pamagobra

Metung na mu ping banua mayari na ka
Gastus at palta yu king bale, keka na
Mákiyutus ka sa king amu mu keta
Bang ping maliwalas ing pamaglub ning pera

A wa! Metung nang banua mayari na ka
Ban makapuntus, aruan mu la ring mestra
Kasi lawan do ren ding sablang kumpanya
At buri da ren kinang kinang ka marka

Metung na mu ping banua mayari na ka
Metung na mung banua mangabiyayan na ka
Ita naman ing sangkan ba’t megaral ka
Tuturu da kang maging talapagobra

Aruy! Metung na’ng banua mayari na ka
Ding anggang balu mu ‘tin nang alagá
Pisamsaman da ka nung biasa ka ‘skuela
Mapamintu’t e lalaban ing buri ra

Aruy! Metung na’ng banua mayari na ka
Dakal bisang magáral, arian mu na ya
Bisa lang magáral bang manikuang obra
Pera, pera, pera, ala nang aliwa pa

Aro, metung nang banua mayari na ka
Pera na ing maging busal ning pangisnawa
Ugse mu no ngan ding panagimpang angga
Para king ikainawa ning balen ta

Oyan, metung na’ng banua mayari na ka
Pakasamasan mu nune kálulu ka
Mákiyusig pane king sabian ning mestra
Agyang pang megaral ka ba’kang bumiasa

Oyan, metung na’ng banua mayari na ka
Makabuklat mung isip pilit deng ‘sara
Uling ding ‘skuela mámunga la mung mágobra
E máglualung mágmasabal king balen da

Ding Pusa King Iskuela

2007-11-16T23:20:00.000-08:00

The Cats In School. This short story attempts to expose the underlying reason why something inferior succumbs to the will of its superior and in what event does the inferior one decide to free itself from control.

“Magandang umaga po, Gng. Buan. Mabuhay!”

Makanita rong sebianan nung makananu rong dapat atuan ding balang talaturu—agyang ninu pa pin—a papakit karing mágaral kilub ning silid ning Section IV-Wisdom. Nung mestra ya o kilalang tau king iskuela, yausan de dapat king tune nang lagyu. Nung mágaral ya mung anti ila—a kakatuk bang manyubling apulut nang ID o kaya para manatad yang amanung “Huwag po raw kayong masyadong maingay” ibat king kayang mestra—ing pamanyaus kayang “schoolmate” magsilbi ne.

Itang “Mabuhay!” pampasanting ya mu. Peparagdag neng Gng. Buan, ing adviser ning klasi. Nung bakit, ali ra na pipilitang talastasan ding istudyanti. Kakanongan la ring keraklan karing lálaki, pelalu na retang grupung parating mamialung Play Station patse ugtu.

Pepataid neng Gng. Buan itang “Mabuhay!” siguru uling tuturu no ring asignaturang Wika at Panitikan. Patse klasi na, detang parating gagamitang Ingglis a pamanaganu malilikas la king amanung tatagurian nang Gng. Buan bilang Wikang Filipino, nung nu ring titulung Ginoo, Binibini, ampong Ginang malilibayan lang Mister, Miss, at Mrs.

Pakatiman yang linukluk i Gng. Buan king lamesa ning mestra. Ikit nang alang kalat-kalat a papil king tabla, inya diklut na ne ing kayang class record. Tabalu nung kayartian o nanu, oneng uumpisan neng pane ing pamanyaus tau ibat letrang Z pataglus A.

“Zabala,” nganang minyaus.

Tiniman ya ing kayling pitna ning asbuk nang Mariet. Makupad yang tinikdo, kabang ding anggang mata kaya ngan linawe. King dine at karug mengapasisi ya rugung Zabala ya tauling lagyu ing ibpa na.

“Zabala?” nganang pasibayu ning mestrang mas lalung linapad timan at metarling siwala.

Kaibat ning apulung segundung pamangamus buntuk, agnan nong tinas Mariet ding adua nang gamat king babo ning kayang buntuk, atsaka ya mo dinurut makatatlu. Susulud ne pa mu rin ing timan nang e pante inya lalu yang linto mamulang.

“Oo nga pala, nagba-ballet lessons ka, ano?” nganang Gng. Buan kabang manyulat ya king kayang rekord. “Palakpakan natin si Mariet!”

Memintu la ring kaklasi nang Mariet. Kabang papalakpakan de—ambuski e no man metula—memirapal yang linukluk ing babai at tikpan ne ing kayang lupang bagyang mengalutu. Kalako da ring kayang gamat, akit king lupa na ing kapasnawan; anti yang masakit atian a mekayatut kaibat ning maluat a oras ning pamamilipit.

Kadua pa mung aldo ning Second Grading Period. Ambuski pa yari na ing sakit buntuk para karing Periodical Examination, tibuk-tibuk yang mas mabilis ing pusu nang Glen kingsa king sadya. Ali naman uli ning calisthenics a gagawan da abak-abak king Flag Ceremony nung nu ing gagamitan dang kanta ing ‘Stop’ ding Spice Girls.

At ali mu rin naman sangkan ing nerbyus tungkul king resulta ring pamanyulit king Filipino (pisamut a Wika at Panitikan), nung nu karin kailangan ing pakakalaleng pamamása da ring siguru labing limang makuyad a salita, at pamangabisadu karing kabaldugan da ring manga anam a pulung—amanu da ring keraklan karing mágaral—“mangalalam a salitang Tagalug.”

Bolang ne mu siguru ing ali mamásang masalese; detang kutang king Identification a dake ning pamanyulit anti lang gewa para akit ning mestra nung nu anti ing galing ding istudyanti king pamamansin karing mangalating detalyi—“alang diablus a kuenta,” ngana ping Noel, ing kaklasi rang mapamakibat karing talaturu inya manga-“minus five” yang parati. Anti mo ing kule ring isteping nang Mang Juan ampong ing lagyung libutad ning metung a talasulat.

Bala nang Glen matuling la ring susulud nang Mang Juan king istorya inya mapagmaragul neng sinulat ing kayang pakibat king gulis siping ning number 23. Kalabas ning aduang pulung minutu, aganaka nang e la pala matuling—malutu la. Ing kapagmaragulan na miragsa ya rugu anting pinaud a abatbat nang Bagyung Rosing.

O sumap ali ya makaying bolang i Glen.

“Odejar,” nganang minyaus Gng. Buan. Ing timan nang papakit tula king panyaptan ding istudyanti miyalilan timan a mikimalagkit a lawe. O makananu i Kevin na pala ing tutuki.

E na amalayang Glen na ati ne pala king letrang O ing mestra uling king kakayisip nang malalam. Petaran ne pa mu ing kayang pamangganaka at inalben nung nanu mong daptan nang Kevin.

Maliksi yang tinikdo i Kevin—matas a lalaki, tuneng komanggi, at peklatan tud uling parati yang misasakab karing pialung a ating pulayan anti ing basketbol. Ambuski atin pa ring dineng sisingo ibat king lupa na, masalese ne pa mu ring agawa ing sinikat a terak ning Mmmbop ding Hanson.

Kayari nang tinerak pinalakpak la ngan ding alus tau kilub klasi, pelalu na retang atlung bábaing makapuestu king arap. Metung ya kareta i Mariet a parati rang papara kang Kevin ibat inyang lege ne ning babai king autograph nang Blessie ing “Nivek Rajedo” ketang crush(es).

“Isa pa nga, isa pa nga,” pakisabi nang Gng. Buan a binang metula. “Hindi ko alam nakakasayaw ka rin pala, ha, Kevin.”

Ing dating maliksi meging yang mapekat.

“KJ! KJ! KJ!” ngarang ginulisak agnan-agnan ding kaklasi na.

“O sigi... Oneng pagkanta yu ku, ne?” anyawad nang Kevin.

Mekuyad ya ing timan nang Gng. Buan, dapot lalkas pa rin king lupa na ing bagyang taras. “Class,” ngana, “Ayaw kong naririnig na gumagamit kayo ng Kapampangan, ha? Filipino atsaka English lang. Sige, ipagkanta natin si Kevin.”

Tinalakad ne man mong pasibayu ing basketbolista.

Ala yang panaun makisoso i Glen, inisip na. Asuncion ya pilidu at banda ya pang tatauli siguradu. Atsaka e ne balu ing Mmmbop. Daramdaman neng maralas king bale potang manalbe yang MTV Asia i Bernard a pisan nang alang pilatan. Lepitan ne misan king sala para kutngan nung dikil ya nanu ing Mmmbop. Inyang “tabalu” mu ing pekibat nang Bernard, lakuas neng mitda ilig karing kantang sisikat king panaun dang kayanakan i Glen. Inya ing milyari, e na na rugu abalung itang pekayanak karing atlung mikakapatad a Hanson lalaki ya.

Uling makalukluk ya malapit king awang, linawe ne mu kilual at pegumasdan itang maputing pusang lalakad king babo bubungan ning baleng makatalakad siping ning iskuela. Aganaka ne i Kitkat at ita pang metung a pusang e na na dinian lagyu. Inta ba’t palagyuan ne pa mu? Ala ya man bagyang lambing; pasuitan me atsaka ya pulandit at luksu pataglus bubungan ning siping dang bale. Atsaka matuling ya—makabigung kalma.

Mayap pa i Kitkat. Kabang ngengeung, pigadgad-gadgad ne mo ing kayang buntuk king bitis nang Glen. Agyang ninu sigurung tau—mikiyilig ya man karing animalis o ala—panggigilan ne i Kitkat! Ninu pin naman ing ali mabaldug lub king metung a lelangan a mumuma king bitis mu ambuski pa mabangnas ya king mekulub a pawas? E me pikatulan kanita?

Mengua yang makalatang sardinas i Glen ketang kusina. Bisni ne at inambula king aduang kasakmal a nasi atsaka na linulan king alang laman a pidapukanan leche flan. Inyang linual yang pasibayu at abau nang Kitkat ing pamangan, sinikan at tinarling ya ngeung at pengadgad neng lalu ing kayang lupa king bitis nang Glen.

Asulilapan neng Glen itang pusang matuling ketang malaut a batio-batio kang Kitkat at king kakanan na. Bang apalako ne, memulut yang malating batu i Glen atsaka ne besibasan itang mágdalang malas. Kailangan neng bulyon; pota pa sa iya ing ikabagsak na king pamanyulit.

Penalben ne pa mung mamangan i Kitkat. Dilat-dilatan na ing sarsang mitagan king lulanan at papiyak-piyak ya mata king kabsi. Kayi linundag ya king bakud atsaka ne pendilat ing kayang gamat para imuan ing lupa.

Yinaus neng Glen. “Kitkat,” nganang banayad. “Keni ka.”

Buri nang Glen uman nong pasibayu ning pusa ring kayang bitis. Oneng meging yang mapagmaragul i Kitkat. Ali na petaran ing pamanimu na at anti yang meyala ing pepakan kaya king lele na.

“Putanaydamu,” panagkas nang Glen king pusa. “Uli mong mabsi na ka’t ikwa mu na ing buri mu, e na ka mamansin!”

“Bayani,” yaus nang Gng. Buan.

Mipaluksu ya pusu at kinaskup ya akmulan i Glen. Adua na mung kaklasi—Balajadia ampong Azalea—kayi iya na ing tumerak para apabalu king mestrang ali ya absent. Nanu kaya ing masanting iterak? Ali—nanu ing malaguang iterak?

Tambing yang meyari itang mikipilidung Bayani king inindak nang Macarena. Di Balajadia at Azalea pára lang kayabe king Dance Troupe. Bang malagua—o kaya, nung king panlalawe nang Blessie, bang makapagpasikat—inyawad dang agnan na la mung mindak.

Aru, nanu na ing gawan nang Glen? Ala ne man ilig king pamanerak. Patse pin mitupatupa la ring mangatua king bale ra lalangi ya utak, e mu king pangmatuang tigtig, pati king nanu-nanung teterak da—Chacha, LA Walk, at aliwa pa. Nung e ya tumerak, mamarkan ya kayang e linub? Nung magmasyas ne mang e tumerak, komusta ya king yausan dang Conduct?

“Ngiyeeew,” ngana ning pusang maputi kilual.

Pasibayu, sinilang ya king isip nang Glen i Kitkat. Inagyu nang mumang talampakan at pangadngad ing lupa king bitis tau bang masese at mirian pamangan. Itang pusang matuling a alang lagyu, o ba’t mo kaya ali ne mu mikiapus kang Kitkat? Uyta, ali ya mirampulayan grasya kang Glen.

Kabang lalapit ing oras ning kayang pamanerak, ditak-ditak yang sinlag ing larawan na nitang pusang matuling king isip nang Glen. Siguru panaun na para mirian yang lagyu bang malagua yang ganakan, inisip nang Glen.

“Nanu kaya ing masanting ipalagyu kaya?” sitsit nang Glen king sarili.

“Asuncion,” yaus nang Gng. Buan.

E ya tinerak i Glen.

Mánukluan

2007-11-16T23:14:00.000-08:00

Squatter. This is a poem about the irony of the restriction of an unofficial Philippine language in its own land amidst the process of nation-building and promotion of nationalism in academic grounds.

Oyta i Ginang Nacionalista
Ngana king ulaga ning salita
“Ang ‘di ma-al ang sariling wika
Masa-ol pa sa malansang isda”
Ita kanu’ng amanu nang Pepe
Inya mag-Filipinu king bale
Sibuknan, oneng digpan-ning-alti!
E pa rin asalikut ing gege

Misan a aldo merakap kami
Rugu ning kasiping kung kaklasi
Kákanta keng ‘Atin Ku Pung Singsing’
‘Nya balugbug mi tinakam pitik
Di Bokbok at Ketuy naman gulut
Pepamayaran dong limang pesus
‘Tie e la kanu mig-Filipinu
Ing magdusa ing karelang gradu

“Painuman na,” ngaku king kakasi
“Mauo ku’t dila ku asne langi”
Kabirabira itang mestra mi
Ing patilya ku kayang penabit
Uling pane kung mángapampangan
“Sa labas ka ng silid-aralan!”
Ala ku kanung lugal king “bayan”
Metung ku mu yatang mánukluan
Kapilan na ku kaya paluban?

Ing Anak A Tagak

2007-11-16T23:09:00.000-08:00

The Little Egret. This poem illustrates the stream of consciousness of migrants and why they resort to migration to survive. Also, it shows how elders secure their authority by disregarding the opinion of the youth and listening only to themselves.

Ating anak a tagak, maputi ya pu bulbul
Matunud ya’t mapamintu karing pengari na
Ibpa at indu na makantita mu rin kulul
Anti lang burarul potang susulagpo banua

Uling kádimla king Tsina, mine la Candaba
Agum ding aliwang ayup a danupan mu rin
Disnan de ing marangle’t inatu ring damulag
At tambing lang mengan simbilis nang Kuran Kurin

Uling kanita ya pa’ minunang mekatuklu
King asikan ning Candaba ing anak a tagak
Yang dili sinulagpo, nu ya pu memanyulud
King tula na king lugal, ginatal yang ságakgak

Mine ya ing tagak banda ketang ilug kaibat
At disnan no ring tuyu, bangus, ampo'pang itu
Akaistorya no ring asan, oras a maluat
At bayu ya meko, sebianan de pung malugud

“O anak a tagak, ali ka sana mángari
Karing mame keti, ‘neng mababating keluatan
Iti ing sangkan ba’t pikasnukan ing kanduli
Mangan mu keti at muli karayatmalatan ”

Bekalan ning tagak itang sinabi ring asan
At semalang miuli bayu suklub ing bengi
Kabalik na karing pengari, tambing nong kitngan
“Ibpa at indu, angga tamu kapilan keti?”

“O anak ming tagak pale, pakakabsi mu na
Ipaynawa ring pakpak, tipunan ing sikanan
E marakal ing kakanan keti angga angga
Dálakit tamu pang pulu pota nang kauran”

Ngana pung mekibat nitang tagak a malati
“Ali kayu pa pu sasawang palikas-likas?
Nung nu karin ing biye masaplala ya’t masanting
Karin ta papakuyud; ba’t ali ta malasbas?”

“Magdatun ta na’ keti, sesen te ing marangle
Kingsa king mányayang ta’ng oras king alapaap
Kekatang pagaralan ing pamangawang bale
Malagu at matibe, e patuag king abagat ”

"Sesen ta ya ining labuad, pati na ring dutung
Misuklian ta pung lugud, kekayu sang abalu
Kaibat na ka ta’ng pekanan ning mapamiyeng gabun
Batingan ta ne mu wari? Ablas, atin tamu”

Uling anak ya pang tagak, ali de pensinan
Dening makatuang ayup a mánikab king kabsi
“Ay, pabustean yu ne, ali na pa ayintindian
Anak ya pa’ng tagak, magagtu pa pamiyisip”

Ala yang akarapat ing tagak a malati
‘Nya selikut na na mu kilub ing munikala
Ding kayabe nang ayup, kaugaling kanduli
E la mákiramdam king paralan a aliwa

Ating anak a tagak, maputi ya pu bulbul
Matunud ya’t mapamintu karing pengari na
Ibpa at indu na makanita mu rin kulul
Anti lang burarul potang susulagpo banua

Pun A Matua

2007-11-16T23:04:00.000-08:00

Tree Of Old. This poem encourages one to live a life of service, of legacy. Only then can one prolong his life: by leaving something that would be of benefit for those who are still alive.

Lálakad ku king lugal a alang tau
At ikit ing pun a e ku balu lagyu
Mángatagtag la rugu ring kayang bulung
King bakubaku ampong malanging gabun

Ding ayup babo lalabul lang lawiwi
King tula, ring sampaga, e la paytauli
Lupisak, tugak, masayang mipaglandi
Itang pun mu rugu ing malungkut dili

E gagamit siwala, anti na kung ausan
Nitang mángalagas bulung a tanaman
Balang bulung a mananabu, lalawan
Aganaka bigla ring bageng kelinguan

Balang bulung malaguang miras king gabun
Ali malyaring king babo mu magdatun
Makananu ya man kasikan ing buyun
Karas king pampang, lalati ne mung alun

Daralumdum, mángaring talang ing aldo
Yari na ing obra, benging mákapasno
Dapot king balang sukú , tutung lulunto
Ing bayung umpisa; miyadya ka, aro...

Binang malungkut man ing pangapupus biye
Kagulan man ing babiye ning pangamate
Dápat kang mayap, manalakad kang bale
Atin ding tuknang keta kekang kamate

Maplas King Puki

2007-11-16T22:45:00.000-08:00

Painful To The Pussy. This poem attempts to internalize the feminist reasoning of Eve for eating the Forbidden Fruit in the Christian story of Creation.

Perusan Na ku rugu ning Apung Ginu
Uling ing kabiasnan pekiabutan ku
Nanu’ng klasing Dios ing mibait kanaku
E Ne buring kumatni buntuk ing tau

Pelakuan Na ku pamo king Paradisu
Gewang alipan ning taung kayabe ku
Maplas na'ing pamaglual pungul king puki ku
Bisa ku mung bumiasa, nanu’ng sala ku?

Meyigut ku mu king tagyang ning asawa
Minuna No pang lelang ding leu’t usa
Sebianang e mamangan karetang bunga
Abalu’ing marok at mayap ‘tie mengan ka

Mibait ku mu bang i Adan sumigla
Palagyuan ding bage, e ku agawa
Penganak Nang babai tutung mababa
Inya kabiasnan na mu ing kakung nasa

Apung Ginung banal, o't kamua Mu keta?

Ligligan Pangadi

2007-11-16T22:38:00.000-08:00

The Prayer Contest. This poem attempts to pose the question: among the millions of prayers God hears at one point in time, most of which contradict one another, whom does God listen to?

Kaunang Makiliglig:
Ing Pangadi nang Darang Flor

Linukluk ya bungad nang Birhen Maria
Kandilang pudpud at dilo sinindi na
King lual bale kildap kildap, malulam pa
Metung sintunadung magkanta, muran na

Mengurus ya't sinitsit, "Bapu Maria"
Nasang e bubugnus uling kebaitan na
Datang la ngan ding anggang kaluguran na
Sidya na na ing pititian at atsara

Lintik dinugpa bubung kabirabira
Inya sikmal neng lalu ing rosaryu na
Sikan pang bagya pota ala nang munta
Sayang ing litsun manuk at ligang baka

Kaduang Makiliglig:
Ing Pangadi nang Kang Abram

Kulait na, "Ibpa mi a atiu banua"
Kabang lalablab ing api king bale na
Pakasinup kilub ing anggang tipun na
Ibat king pisasali nang kulubasa

Galgal galgal ya katawan at kaladua
Lulam king babo magkulangan pang dusa
Para mulus danum king metu Pampanga
Inya digdagan siklod ing pangadi na

Agum ning duldul ing lintik megumpisa
Sikan pa sa bang misalba ya'ing bale na
Penaus no ring anggang santu at santa
Ustung ala neng tuknangan kalulu ya

Katlung Makiliglig:
Ing Pangadi nang Kristin

Biklat ne ing libru ibat king iskuela
King katlung bulung ating pangadi keta
Genakan ne ing panaral nang Apu na
"Potang ating panganib, 'nang, mangadi ka"

Gagatong telabangka ring tsinelas na
Ketang lual nung nu ing albug kakatas pa
Ali la pa mumuli ring pengari na
Pota kabalik da dayat ne ing sala

Pesibayuan ne rugu ing pangadi na
At sinampa ya king babo ning lamesa
Ustung uran binugnus malumud na la
Ring tingkang kagamitan ning pengari na

Kapat a Makiliglig:
Ing Pangadi ning Manasik

Kinaul neng matalik itang Biblia
At pekisabian king isip ing Ginu na
Balang duldul anting siwala ning banua
Kalam ning Dios ding patak a titipa

Inyang kaleldo melangi ing gabun na
Mepanat ing pale at meina ing pera
Ing Apung Ginu makiramdam ya sana
Nung kauran na pin tutung tumula ya

Meinge ing pitik ning uran king bubung da
Sebianan no ngan ding anggang anak na
"Ume ko keni at mangadi tamu pa"
Dayuput sa ing melanging asikan na

Bulbulan Na Ka Butu

2007-11-16T22:36:00.000-08:00

Your Dick's Got Hair Already. If God were a human parent, wouldn't He/She want His/Her children to think and act independently in the long run?

Akasabi ke nandin ing pengari mu
E mu mamarokan ing kayang amanu
Uling bala mu kaya nang pilming balu
Oy, baintau, bulbulan na ka butu

Oras nang misip ka para king sarili
Dati susumbung ka kaya’t pupulayi
Potang keka rugu ating mángayi
Manong na yata ing makantita ngeni

Nung danupan ka ika’ng mamupul pale
Ika’ng maglarin nung kesiran kang bale
Patua na ka, ‘tung, dapat na kang masane
King e biru-birung kalakaran ning biye

Lulug’ran na kang tutu ning pengari mu
Inya ing buri na kumatni ka buntuk
E ke balu ing lagyu ning kekang Indu
Pero ing yaus da kaya Apung Ginu

Tuneng anak na ka ning Dios a malugud
Mesese ka’t mebanteng alang patugut
‘Pot ngening bulbulan na kang baintau
Karing obrang yatu o’t e ka sumaup

Sanu Ing Matimbang: Milabas o Bukas?

2007-11-16T22:21:00.000-08:00

Which Matters More: The Past Or The Future? Written in Crissotan (poetic debate) style, the personification of the Past debates with the personification of the Future to see who among them really benefits humanity more.

UKUM

Aldong mayap karing mine para malbe
Ing Apung Ginu pangadi kung mantabe
Agnan palakpakan ding king kakung lele
Mipangamanu la; ninu ing mabule?

Ining pisabian da rening king siping ku
Milabas o bukas: matimbang ing sanu?
Alang gugulisak, 'palto ing respetu
Lakuan ku ne pu ing palage kekayu

MILABAS

Nung ba’t ku masikan, sabian ku kekayu
Aku ing pengari ning daranasan yu
Gatus kekayu, panigaralan yu ku
Para akilala ye ing sarili yu

Ining sablang mangapalyari king biye ku
Ya ing mamili king piblas ning bukas yu
Samasan pakibaluan ing dikil kaku
Nune mulit mu ing kasalanan tau

Tabalu, ba't e da ku pakiramdaman
Mamasala ku, ikit ku na pin ngan yan
Kamatayan, laraman, at karanupan
King tua kung ini, ali mu ku paniwalan?

Nung lulumbug king biye kasakitan ngeni
Kutang yu mu, "Nanu pu waring milyari?"
Ayampang ku ngan, mabilis pa king alti
Tandanan yu ngan at bakalan yung muli

BUKAS

Sagli mu, ibaba mo pa ring kile mu
E keka makasalale ing bili ku
Binandi mu no ngan ding sangkan ning biye ku
‘Nu ko, mángapakayli na ku mu rugu!

Nung lalawan mu, ding angga ping salun ku
Ika’ing makisala king kapalpakan mu
Alben na ka ning tau, ‘tin yang abalu
Dapot ali ngan, gamitan king makatud

Ding depat mu, makasulat la king libru
Silaban mu lang misan, maging lang abu
Oy, pásalamat ka karing anggang butul
Nung ala lu, ninu ika karing tau?

Sikan mung pákapurian, sag'ling atdasan
'Palto karing tau ing katumbalikan
Ning nanu mang depat mu panaun ngean
Inya e mu ku rugu págmaragulan

MILABAS

Aruy, nung magsalita, anti yang Suku
Nune kanaku, alang taganang balu
Nung keka, mangánaua la man ding tau
Ing mumunang pasalamatan mu, aku!

Sigi, 'kutkut mo ring buri mung 'salikut
Basta e páinaua, tutung mákatakut
Mate ya rin ing tau, ding pun maputut
'Pot kaisipan, nu ya ngan mámanyulud

Diwang penakpan, misan da mu akulkul
Mangari kang mapanakong masusukul
Alang málsinta king balatkayung kulul
Mua karing mámiasa, king biga susukdul

Nung ilaut mu ku pa kaibat keluatan
Karing taung danupan king kamasalan
Siguraduan mung alaso mu na la ngan
Ding malyaring pikuanan dang kamalayan

BUKAS

Ali ku máglaram, masikan ka puntu
‘Pot e makan’ta kasikan ‘ting lawe mu
Nanu la sangkan ding marakal a tau
Inya king pamandapat e la pátugut?

Kinimut ngan uling kaku makalawe
Alang panaung igse; king kuyad ning biye
Bang saplala, inagyu dang makamate
Bang atin kanan, menanaman lang pale

Nung e ku maulaga, ba’t páypagal la
Kitnan mu na la wari ring mangakualta
Nung para nanu ing tutulung pawas da?
Patie ‘ti no kaku, ni’ng mimisip keka?

Balikan da ka mu ustung ‘ting ayampang
Oneng e la paybasâ, angga la’ng pampang
Keta batiawan nung nanu'ng pakinabang
Ugse da keka ing e buring ganakan

MILABAS

Wa, balu ku ngan ing amanuan mu rugu
Ding tutuking sabian, pakaisipan mu
Ustung akit dang bukas, asne dalumdum
Kenu la púlandit, ninu ing kakuyug?

‘Ti la mu kaku ring ngamo penugse ra
Talnan masalese, agamit da la pa
Pakaingatan pati ring mangatsura
Ding librung dikil kaku, pataû mo pa?

Gawan mu ita, ala na kang pikutngan
Nung nanung lugal ing masanting puntalan
King kekang pangalili, kekang pagsisian
Ing depat mung obra—obra ning mamulang

E ku ánya'ran ing mabiye kang ‘ti aku
Oneng e mu ku buburan karing tau
Ing dasnan mung kabilian ning metu yatu
Masanting o ali, pegkasakitan ku

BUKAS

Panupaya nung atin kung buring buran
Ini para mu naman king kaligtasan
Ika na’ing sinabi, ‘tin mu ring karokan
Ing akit do ring tau, kakung tulutan?

Pamisanmisan sobra la ping mimisip
Nung makananu ra rugung akuang akit
Kasiglan, kanawan, karitakan sakit
Uli na nini agyu dang mipanyakit

Damusakan ne’ing kalupang ortelanu
Bang ing biye mayan damdaman pang pelalu
King salapi, ing kayang wawa tutulu
Kaungan no ring manyawad anti'ng asu

Potang mikapsuan ne ing alting matako
Potang pangatau na na’ing mangibabo
Mipadukduk ya king mengalabas aldo
Kulait yang "Nanung gewa ku, Ginu ku!"

UKUM

Sag'li, nung makanyan, áminan yung adua
Mituglúngan la pin ding kekong kaladua
Ing biye yu, ikayu rin ing mipángudta
Tutung alang bayu nung ala ping luma

Kabang lilimpas darakal keralanan
E taya balu’ing aldo ning kapupusan
Ing mikibalu'ing Ginu tamung Miglalang
Matampus ya ing yatu misan na' sabian

Kalma ning tau, tataid king milabas
Ampo king págnasan na para king bukas
Ring tau, baluan dang pareu nong armas
Pangadi kung kutngan da la oras-oras

Ulaga ring misumangid a panaun
Tabalu kekayu, para kong apantun
Parang malasa at bage lang pisagum
Ali ku bisang kumabid mu king metung

Dumulung Ka

2007-11-16T22:18:00.000-08:00

Go Buy. This poem desires to empower providers of sexual services by illustrating the fact that we all sell something in order to survive. Intellectual ones sell their minds, artists sell their souls, and prostitutes sell their bodies. Enough with the hypocrisy.

Dumulung ka ketang banda Balibagu
At pantunan me i Leona Punzalan
Mámisali yang puad ampong pakabayu
Kilitian na ka ping masalese laman
Ati ya naman keta i Roy Sarmientu
Terakan na ka pangasala ning bulan
Pasaken na ka babo ning kayang salu
Basta ing pamayad mu ali ya kulang

Dumulung ka ketang banda San Fernandu
At pantunan me i Misis Macalino
Mámisali yang kabiasnang e mu balu
King ituru na, tutu ka ping maniglo
E me kakalinguan i Doktor Tanhuecu
Balu ne ing panulu king balisoso
Misadya ka mung aduang dalan a pesus
Paputian na ka balat, ‘tang mákasilo

Dumulung ka ketang banda Macabebe
At pantunan me i Teresa Gamboa
Mámisali yang gulis, uling, at kule
Pangawa na kang larauan king pintura
I Teofisto David, e malaut bale
Baluang ya ing lakan king pamamulosa
Pagkanta na ka dikil nanu mang bage
Basta atin ka mung pamayad a pera

Dumulung na ka agyang nu mu pa buri
Tutung palengki ing balang pupuntalan
Nu ka man mipadpad, ating mámisali
Ing abiye ning tau, ating kabayaran
Kalalangan, utak, lagû ampong puki
Tingkas, butu, kaladua ampong kabiasnan
Ing titinda mu, sanu kaya kareni
At sanu la ngan ding kekang sasaliwan

Ispongang Penisis Kalang

2007-11-16T22:15:00.000-08:00

Sponge Used In Scrubbing The Stove. This poem was inspired by that statement of Mao Ze Dung on how to raise people's consciousness: if you want to raise people from the ground, do not start from midair.

Ay, papainuman na lang tabletas a mapait
Deta kanu ring kayang iinuman a pilit
‘Nya ala nang táram pa king kayang pamiyisip
Sakildapang asaul ding kutang a masákit
Sukat lang memanilak ding kayang pepainuman
Lalasa la kanung ispongang penisis kalang
Detang tabletas nang pampasaplala kabaluan
Suklati’t kendi na’ kanu ing karelang kanan

Aruy, mi’kamas ya ing lakan ning pangabiasa
At penaus no retang tau: “Diablus at puta!”
Ya na mu pin kanu ing mámiye saup karela
Nung e ro buring inuman, mabating na ya
Kabang lalakad, mitaluras ya king burak
At menabu king kulkul; ali ya pu miukyat
Bang ating saklolu pekasikan ing gulisak
Salamat, ating linapit a maganakang siak

Sumap mágdala yang lubid itang siak a dintang
Sapak yang suksuk; alang ninu mang makatalan
Saingsing na ning menabu: “Aku, kekang saupan!
Kuma ka sanang taling ali na ku sugatan”
‘Kayi nganang mekibat nitang siak king saingsing
“Makantini’ng gewa mu karetang tau nandin
Buri mong itas balu oneng kelinguan mu pin
Ali me apakan ing laman babi king kambing”

Alang Mibabait A Timawa

2007-11-16T22:12:00.000-08:00

No One Is Born Free. This poem attempts to assert that suppression of freedom begins at birth.

E me pinili ing kebaitan mu
Bayu ka pa mipusit king yatu
Ila, pánisip da na kang lagyu
King relihiyun da, ika ipalub
E ra ka man kitngan nung bisa kang
Mibait panaun ‘salukuyan
‘Ta nung e me buri ing kabilian
Ning yatung kekang akabaitan
‘Ta nung e me buri ing lagyu mu
Inta nung bisa ka king Budismu
Nanu rugu ing akarapat mu
Ipilit mo reni, ating presyu
O panayan mu pa mung tumua ka
Pota nang mánintun na kang pera
Bayu ka maging tutung timawa
Karing kebit da ‘nyang malati ka
Ala kang karapatang mamili
Karing bagebageng kekang buri
Nung tutu pin ing “numerology”
Pati kalma mu e mu pengadi
Kapilan la mo kaya mikabus
Deni pung ának king pangaipus
‘Tang ának la pa, ala nang gastus
Pilinan ing sariling sapatus

Laut Ning Pluto King Yatu

2007-11-16T22:06:00.000-08:00

Distance Between Earth And Pluto. This poem presents the flawed standards of intelligence promoted by the academic institution. Instead, schools tend to provide more trivia instead of familiar, practical knowledge.

Nung luban me ing kayang silid keta karela
Ring medalya na, anti lang CDng pinirata
A sasampukaki ketang dalan ning Miranda
Mal la laman oneng asali mu la mung mura
At ali ka pa pilmi nung tutu lang gumana

Karing anggang ának a apulu pa mung banua
Ing laut na ning Pluto king Yatu, ay, balu na!
Nung subukan mu ya mang ikutang ngeni kaya
Ing maliksi nang ipakibat, akakit ku na
“Ahem, the distance in light years is bla-bla-bla-bla-blah”

‘Niang pebalung king Porac ya mete ing indu na
‘Abe ing ibpa nang maibug nang maging kaladua
Gagaga’t aspak siwala, kaku pinulayi ya
Melunus ku oneng mipatiman king kutang na
“Bapa, bapa, makananu ing mumunta keta?”